'Kesên deriyên dikanên xwe ji ber bêkariyê girtine dê bên cezakirin?'

2016-12-07 09:07:10

EDENE - Esnafan diyar kirin ku ger budçeya ji şer re tê veqetandin ji gel re bê veqetandin dê krîza heyî bê derbaskirin û pirsa ji ber ku wan deriyên dikanên xwe ji ber bêkariyê girtine dê ceza li wan bên birîn an na pirsîn.

Bi krîza aborî ya ku her roja dike li Tirkiyeyê kûrtir dibe, esnafan bersiv dan nîqaşên budçeyê yên li meclîsê. Esnafan diyar kirin ku her roja diçe girtina deriyên dikanan zêdetir dibin, krîza her ku diçe bêhtir tê hîskirin û bandora li ser karê wan jî bi çavan tê dîtin.
 
Esnafê bi navê Yasîn Ozcan da zanîn ku dixwazin krîza aborî ji civakê veşêrin û wiha got: "Hinek aliyên gel ên ku krîz hatine ber deriyê wan jî hêjî haya wan bi krîzê tune ye. Li dijî krîzê em nikarin daxwazên xwe yên mafdar bikarbînin. Esnafên ji bo şermezarkirinê deriyên dikanên xwe digirin, di çarçoveya cezayê 'sûcê rêxistinê' de tên tewambar kirin. Gelo rewşa esnafê ku ji ber bêkariyê deriyên xwe girtine dê çawan be?"
 
'DIVÊ JI PIRSGIRÊKAN RE ÇARESERÎ BÊ DÎTIN'

Esnafê bi navê Muhîttîn Daglşkan bal kişan ser nîqaşên budçeyê yên li Meclîsê û wiha pêde çû: "Di dema krîz heye jî hêjî budçeya mezin ji şer re tê cudakirin. Krîz dikare bi polîtîkayên aştiyan bê derbaskirin. Hikûmet ji her tiştî re hincetekê dibîne û li cihên ne pêwîst welatiyan didarizîne. Em dixwazin dawî li pêkanîn keyfî bên û ji bo pirsgirêkê çareseriyek bê dîtin. Ji ber bêkariyê em ê deriyên dikanên xwe bigirin. Ger pirsgirêk bên çareserkirin dê derî neyê girtin."

'GER ŞER BIDAWÎ BIBE DÊ KRÎZ JÎ BI DAWÎ BIBE'

Ozcan Demîr da zanîn ku sedemên bingehîn ên krîzê polîtîkayên hikûmetê yên hundir û devrene û budçeya ku ji gel re tê cudakirin têrê nake. Rojhat Demîr jî wiha axivî: "Li welatê ku veberhênan jê direvin dê krîz bidome. Deriyên ku me ji bo şermezarkirina digirtin em ê niha ji ber krîzê bigirin. Ez mereq dikim dema me ji ber bêkariyê deriyên dikanên xwe girtin dê ceza l ime bibirin an na. Ger xwîna li walat tê rijandin bisekine wê demê hewce nake ku kesek ji ber krîz û şermazarkirinan deriyên dikanên xwe bigirin.