Merkel: Divê Tirkiye nirxandina MPKE'yê li ber çavan bigire 

2017-04-27 11:15:05

NAVENDA NÛÇEYAN - Serokwezîra Almanyayê Angela Merkel, diyar kir ku divê Tirkiye nirxandina Meclîsa Parlamenteran a Konseya Ewropayê (MPKE) li ber çavan bigire.

Serokwezîra Almanyayê Angela Merkel, biryara Meclîsa Parlamenteran a Konseya Ewropayê (MPKE) ya Tirkiye xistina bin kontrola siyasî nirxand. Merkel, da zanîn ku divê divê Tirkiye nirxandina Meclîsa Parlamenteran a Konseya Ewropayê li ber çavan bigire. 

'DIVÊ BERSIVÊ BIDE RAPORA AGÎT’Ê’

Merkel, diyar kir ku geşedanên hefteya dawî bandorek mezin li ser têkiliyên Almanya û YE yên bi Tirkiyeyê re kir û wiha got: “YE dê bertekên Tirkiyeyê yên li dijî rapora AGÎT’ê ji nêz ve bişopîne. Divê Tirkiye bersiv bide vê rapor û çavdêriyên rexneker.”

‘29’Ê NÎSANÊ EM Ê BI TIRKIYEYÊ RE BIAXIVIN’


Merkel, di dawî de got ku wekî welatên YE’yê ew ê di 29’ê Nîsanê de bi Tirkiyeyê re hevdîtinekê pêk bînin.