Bi fermana fermandar emniyetê tabelaya Zagros rakir

2017-02-20 11:45:04

COLEMÊRG- Li Geverê tabelaya kargeha bi navê Zagrosê  bi fermana Fermandarê Tumena 3'yemîn hate rakirin.

 Li navçeya Gevera Colemêrgê ji tabelaya kargeha  Zagros bi  fermana Fermandarê Tumena 3'yemin a Geverê ve ji aliyê emniyetê ji cihê xwe hat derxistin. Kargeha ku tabelaya wê hatiye derxstin ji aliyê wesayîtên zirxî ve hatiye dorpêç kirin ev 13 sal in çend carên dijî rastî êrîşan hat. 

Parlamenterê HDP'ê ya Wanê Lezgîn Botan  têkîldarî mijarê ev agahî da: "Dema ku Fermandarê Tumenê û Mudurê Emniyetê ji kolana Cengîz Topel  derbas dibin kargeha  Zagros dibînin û  fermana derxistina tabelayê didin. Piştî fermanê polîs bi awayekî b hiqûqî tabelayê derdixin. Polîsan esnafên ku  li dijî rakirina tabelayê derketin jî tehdît dikin û  bi gotina 'hûn  wisa berdewam bikin tiştên ku werin serê we dive hûn bizanibin' gef li welatiyan dixwin."

'TEHEMÛLA WAN LI NAVÊ KU DÎROKA WÎ 5 HEZAR SALE TÛNE YE'  

Botan diyar kir ku dewlet êrîşî hemû nirxê kurdan dikin êrîşên xwe berdewam dikin û wiha pêde çû: "Yên ku tehemulî navê Amedspor, cilên heremî, sazî û parkên bi navê kurdî nakin bi dehan sazî  yan girtin an jî navê wan guherandin." Botan anî ziman ku navê çiyayê Zagros 5 hezar sal berê heta niha heye lê ji bo ev çiya li Kurdîstanê ye êrîş dikin û wiha got: "Tehemula wan li navê ku dîroka wî 5 hezar sal in heye tuneye. Dewleta ku her meh 25 hezar TL  bac ji vê kargehê distîne bi perê wan tabelaya wan derdixe."

Botan di dawiya axaftina xwe de ji bo kargeha Zagros banga piştevaniyê kir.