Dozger cezayê muebetê ji Parlamentera HDP’ê xwest

2016-11-23 14:01:04

WAN - Serdozgerê Komarê ya Wanê der barê Parlamentera HDP'ê ya Wanê Tugba Hezer Ozturk de cezayê muebetê û 48 sal cezayê girtîgehê xwest. 

Serdozgerê Komarê yê Wanê der barê Parlamentera Partiya Demokratîk a Gelan (HDP) a Wanê Tugba Hezer Ozturk de bi îdîaya "Endamtiya rêxistinê", "Xerakirina yekîtî û  tevahiya dewletê" û "propaganda rêxistinê" kiriye cezayê muebbeta giran û 48  sal cezayê girtîgehê doz vekir. Dozger, tevlêbûna Tugba Hezer Ozturk a bernameyên 1'e Îlona 2015'an merasima cenazeyê endama HPG’ê Sidika Yildiz (Destan Rustem) a li Dersimê di şer de jiyana xwe ji dest da, çalakiya şermezarkirina kuştina Serokê Baroya  Amedê Tahir Elçî, Çalakiya 15'e Sibatê salvegera radestkirina Rêberê PKK'ê Abdullah Ocalan a Tirkiye û tev li merasima cenazeyê endamê TAK'ê Abdulbaki Somer bûye doz vekir. Dozger piştî îdîaname amade kir pêşkêşî 2'emîn Dadgeha Cezayên Giran a Wanê kir. 2'emîn Dadgeha Cezayê Giran a Wane îdîaname qebûl kir.