Ji Yuksekdag û Demîrtaş peyama Newrozê: Em ê rûmeta gelê xwe bi parêzin teqez bi ser kevin 

2017-03-21 12:52:04

ENQERE -  Hevserokên HDP'ê Fîgen Yuksekdag û Selahattîn Demîrtaş di peyama ku ji bo Newrozê şandi ne wiha gotin: "Em ê li dijî zilmê serê xwe netiwînin, çog daneynin. Em ê li her derê rûmeta gelê xwe biparêzin û teqez bi ser kevin."

 Hevserokên HDP'ê Fîgen Yuksekdag û Selahattîn Demîrtaş ji bo Newrozê peyam weşandin. Peyama ku Demîrtaş û Yuksekdag şandin wiha ye: 

"Xwebirayên me yên bi rûmet, 
dayikên hêja,
hevalên me yên ciwan 
hevrêyên jin,

Em bi milyonan kesên ji 7 salî heta 70 salî qadên Newrozê tijî kirine bi germahiya agirê Newrozê pîroz dikin.  Em Newroza ku dixwazin bibin wesîleya çareserî, demokrasî û aştiyê pîroz  dikin.

Agirê Newrozê ya ku tarîtiyên herî giran ronî dike îsal jî bi coş tê pêxistin. 

Bi banga Birêz Ocalan Newroza 2013'an vegeriya şolenê û lê ji wê demê heta niha siyasetê nekarî aştiyê diyarî gel bike.  Sedema vê yekê israra siyaseta serdest a di şer de be jî em xwe li hemberî gelê xwe deyndar hîs dikin. 

Emi li ser navê bi hezaran HDP'iyên ku li girtîgehan in careke di dibêjin  ku em ê tu caran ji lêgerîna azadiyê bernedin, têkoşîna xwe ya aştiyê bidomînin.

"Em ê li dijî zilmê serê xwe netiwînin, çog daneynin. Em ê li her derê rûmeta gelê xwe biparêzin û teqez bi ser kevin.

Em bi vî munasebetê Cejna Newrozê pîroz dikin,  li hemberî şehîdên Newrozê bejna xwe ditewînin, we hemûyan yek bi yek silav dikin.

Newroz pîroz be."