DAD: Bila daxwazên girtiyan bê qebûlkirin 

2017-04-08 13:08:07

EDENE - Şaxa DAD'ê ya Edeneyê bal kişand li ser çalakiya greva birçîbûnê ya li girtîgehan û xwest daxwazên girtiyan bên qebûlkirin. 

Komeleya Elewî ya Demokratîk (DAD) a Edeneyê ji bo balê bikişîne li ser çalakiya greva birçîbûnê ya li girtîgehan li avahiya komeleyê daxuyanî da.  Hevseroka DAD'ê ya Edeneyê Seher Kiliç diyar kir ku pêkûtiyên  asîmîlasyon û pêkûtiyê zêdetir bûye û veguheriyê şerekî li hemberî hemû beşên civakê. 

Kiliç anî ziman ku ew weke DAD bawer dikin ku mafê jiyanê mafê herî sereke ye û dixwazin pêkanînên zilm û pêkûtiyan bi dawî bibe.  Kiliç banga bihistiyariyê li raya giştî kir. 

Kiliç daxwazên xwe wiha rêz kir:

Kesên ku ji ber fikrên xwe yên siyasî girtî ne bên berdan,

Polîtîkayên çewisandin û pêkûtiyê yên li girtîgehan bi dawî bibe û girtiyên nexweş bên berdan,

Bêyî ku sedema girtîbûnê bê mêzekerin divê nêzîkatiya mirovî û wijdanî bê kirin û pêkanînên li gorî şexsan bi dawî bibe,

Divê rêgezên mafên mirovan ên gerdûnî bên esasgirtin.