Dîrektorê RHEE'yê: Hikûmet bêusuliyan lêkolîn nake

2017-04-19 11:48:06


NAVENDA NÛÇEYAN - Dîrektorê Ofîsa  Mafên Mirovan û Saziyên Demokratîk ên RHEE'yê  Michael Link,  diyar kir ku hikûmet ji bo lêkolînkirina bêusuliyên referandumê hevkariyê nake. 

Rêxistina Hevkarî û Ewlehiyê ya Ewropayê (RHEE) ji ber ku hikûmeta AKP'ê  ji bo lêkolînkirina îdiayên bêusulî û bi guman ên referandumê  hevkariyê nake, rexne kir. Dîrektorê Ofîsa  Mafên Mirovan û Saziyên Demokratîk ên RHEE'yê  Michael Link, di daxuyaniya xwe ya çapemeniya almanî de nirxandina "Çi heyf e ku mirov nikare qala hevkariyê bike" kir. 

Michael Georg Link wiha got: "Biryara YSK'ê ya qebûlkirina dengên bêmohr û şaş  aşkera ye li dijî qanûnên tirk in."