Li Şirnexê hejmara leşkerên mirî bû 3'ê

2017-04-21 23:07:09

ŞIRNEX - Li Şirnexê, di navbera leşkerên ku derketine operasyonê û gerîlayên HPG'ê de pevçûn derket. Di encama pevçûnê de leşkerek mir, yek jî birîndar bû. 

Li herêma Besta ya Şirnexê operasyona hewayî û bi tevlîbûna leşker û cerdevanan operasyona bejahî ji 19'ê mehê heta niha berdewam dike. Danê êvî di navbera leşkerên derketine operasyonê û gerîlayên HPG'ê de pevçûn derket û di vê pevçûnê de 2 leşker birîndar bûn. Ji leşkerên birîndar, yek jê li cihê pevçûnê mir û yê din jî rakirin Nexweşxaneya Dewletê ya Şirnexê. 

Her wiha danê nîvro jî li çoltera gundê Elemûmê ya Qilabanê di encama pevçûna navbera gerîlayên HPG'ê û leşkeran de 2 leşkeran miribûn.

Li herêma Bestayê operasyona ku 3 roj berê dest pê kiribû hîn jî berdewam dike.