Hevşaredarê Peyasê Aydın hate berdan

2017-05-10 16:09:30

AMED - Hevşaredarê Peyasê Mehmet Alî Aydin ê hatibû girtin û qeyûm tayînî şûna wî hatibû kirin di doza ku bi daxwaza 20 sal ceza tê darizandin de hate berdan. 

Doza ku der barê Hevşaredarê Peyasê ya Amedê Mehmet Alî Aydin ê ku di 7'ê kanûna 2016'an de hate girtin û ji aliyê Wezareta Karên Derve ye ji peywir hate durxistin û bi daxwaza 20 sal ceza tê darizandin hate dîtin. Dİ doza ku li 8'emîn Dadgeha Cezaya Giran a Amedê hat dîtin de Aydin ji Girtîgeha Tîpa F a Wanê  bi SEGBÎS'ê beşdarî dozê bû.  Malbata Aydin, rêveberên Navenda Giştî ya DBP'ê parlamenterê berê yê DEP'ê Selîm Sadak û gelek kesan şopand. 

Ji ber ku heyet hatibû guhertin girtekên berê yên dozê hatin xwendin û dozger nêrîna xwe aşkera kir.  Dozger xwest şahidê nepen ê bi navê "Poyraz" bê guhdarkirin û rewşa girtîbûna wî berdewam bike. 

Mehmet Alî Aldin jî diyar kir ku ew parastinên xwe yên berê dubare dike û xwest bê berdan. 

Piştre jî parêzerên Aydin axivîn û diyar kirin ku hemû delîlên di dosyayê de hatine komkirin û xwestin muwekîlên wan bê berdan. 

Heyetê piştre biryara xwe aşkera kir û Aydin bi şerta "kontrola edlî" serbest berda.  Doz taloqî mijdarê hat kirin.  

Aydin ji ber civînên Kongreya Civaka Demokratîk û bi hinceta ku beşdarî meş û daxuyaniyên di 2014-2016'an  hatiye lidarxistin  bûye bi îdiaya "endamtiya rêxistinê" û "propagandaya rêxistinê kiriye" tê sûcdarkirin.