DAIŞ'ê li Mûsilê 23 kurd di xanî de kilît kirin û kuştin

2017-05-25 10:12:44

NAVENDA NÛÇEYAN - Endamên DAÎŞ'ê li Mûsilê malbatek kurd ku ji 23 kesan pek tê, di malê de hepis kirin û bi bombeyan kuştin. 

Malbat ji bajarokê Zumar a girêdayî Mûsilê ku di sala 2014'an de koçî Mûsilê bûn, xwastin ji taxa Tenk a Mûsilê ji destê DIAŞ'ê birevin. Lê endamên DAIŞ'ê ji malbata kurd 23 kes dîl girtin û di xaniyekî de heps kirin û di malê de kuştin.  DAIŞ'ê  derî û şibake li ser 23 kesên sivîl ên kurd girtin û lehîm kirin. DAÎŞ'ê piştre xanî bi TNT û bombeyan pêça û teqandin. Di teqîna xanî de 23 welatiyên sivîl ên kurd hatin kuştin. 
Yûnis Remezan û malbata wî ku xelkê Zumarê ne, li gel hevjîna xwe û 10 kur û 3 keç û 2 bûk û 6 neviyên xwe bûn qurbaniyê DAIŞ'ê. Cenazeyên wan dê li goristana Wadî Etab li Mûsilê bên definkirin.