Hevşaredarê Şemzînanê Yilmaz hat girtin

2016-12-06 08:33:31

COLEMÊRG- Hevşaredarê Şemzînanê Seferî Yilmaz ê hatibû binçavkirin bi îdiaya "endamê rêxistinê ye" hat girtin. 

Hevşaredarê Şemzînanê Seferî Yilmaz ê ku beriya 3 rojan hatibû binçavkirin derxistin dozgeriyê. Piştî îfadeyê Yilmaz bi îdiaya "endamê rêxistinê ye" bi daxwaza girtinê sewqî dadgehêkirin  û bi heman îdiayê hat girtin. 

Di heman  operasyonê de endama ÎHD'ê û hevsera Yilmaz, Pinar Çaçan û 4 kesên di hê di bin çavande ne. 

DERIYÊ ŞAREDARIYÊ BI ZINCIRÊ HATIBÛ KILÎTKIRIN  

Piştî Hevşeradar Yilmaz û kesên pê re hatibûn binçavkirin polîsan avahiya şaredariyê dorpêç kiribûn û deriyê şaredariyê jî bi zinciran ve kilît kiribûn. Polîs ketina xebatkarên şarediyê li hundir jî asten dike û nahêle xebatkar bikevin şaredariyê.