Rewşa gundê Şemikê birin meclîsê

2017-07-19 15:21:48

MÊRDÎN - Parlamenterê HDP'ê yê Mêrdînê rewşa gundê Şemikê yê Şemrexê bir rojeva meclîsê û xwest lêkolîn bê kirin. 

Parlamenterê HDP'ê yê Mêrdînê Ali Atalan têkildarî dagirkirina gundê Şemikê yê navçeya Şemrexa Mêrdînê pirsname da wezîrê Bajarvanî û Derdorê Mehmet Ozhasekî. 

Atalan ji bo bersivandinê ev pirs pirsîn: 
* Agahiya we ji Etî Bakir A.Ş. a girêdayî Cengiz Holdingê heye ku dê gundiyan mexdûr bike? 

* Rayedarên şîrketa Eti Bakır A.Ş. diyar dike ku muxatabê wan dewlet e. Ev tê çi wateyê. Axa gundiyan bêyî gundiyan hatiye kirê kirin?

* Ji bo rewşa heyî hûn tu lêkolînan didin destpêkirin? 

*Cengiz Holding, di serdema AKP'ê de ketiye çend îhaleyan? 

* 420 milyon tl deynê bacê yê Cengiz Holding yê 2010'an çawa hat betalkirin? 

*Di serdema AKP ê de çend raporen ÇED'ê hatine betalkirin. 
* Ji bo gundî mexdûr nebin û ji gundê xwe koçber nekin tu hewldana wezîr heye? 

*Ji bo nexşeya topu kadastro ya gundên Mêrdîn xebatek çawa heye. 

*Ji bo mexdûriyeta welatiyan bê derbaskirin xebatek çawa heye?