Ji Girtîgeha Erziromê 45 girtî hatin sewqkirin

2016-12-10 11:23:07

ERZIROM - Ji Girtîgeha Tîpa H a Erziromê 45 girtiyên  siyasî  sewqî Girtîgeha Tîpa F a Wanê hatin kirin. 

Li Girtîgeha Tîpa H a Erziromê piştî  sewqkirina 23 girtiyan, beriya hefteyekê 45 girtiyên din ên siyasî bêyî ku malbatên wan bên agahdarkirin  sewqî Girtîgeha Tîpa F a Wanê hatin kirin. Girtiyên ku bi riya telefonê bi malbatên xwe re axivîn agahiya sewqê  bi malbatên xwe re parvekirin û ragihandin. 

Her wiha girtiyan dan zanîn ku di dema  sewqê de pirtûk û nivîsên wan ji aliyê gardiyanan ve hatine desteserkirin û gelek pêwistiyên wan li Girtîgeha Tîpa F a Wanê nayên pêşwazîkirin.