Artêşa tirk Til Rifet û Eyn Deqnê topbaran dike

2017-07-23 13:25:44

NAVENDA NÛÇEYAN - Artêşa Tirk bakurê bajaroka Til Rifet û gundên derdora Eyn Deqnê yên Şehbayê topbaran dikin.

Demek dirêj e hêzên artêşa tirk (TSK) û komên girêdayê wê gundên Efrînê bombe dike. Li gorî agahiyên nûçegîhanên ANHA'yê ji herêmên Şehbayê raghandin, artêşa tirk di van kêliyan de bajaroka Marî, derdora bajaroka Til Rifet û gundên derdora Eyn Deqnê, topbaran dikin.

Li gorî agahiyan artêşa tirk û komên girêdayê wê topbarana xwe berfireh kirine û di van kêliyan de jî gundê Bîniyê yê girêdayî navçeya Şêrawa kirine hedef û bi dijwarî êrîş dikin. Heta niha bi dehan top li gund ketin.

Topbarana li ser herêmên dewam dikin.