Li Biryargeha MÎT'ê bi şev sevkîyat bi roj perwerde

2017-07-28 11:57:25

HATAY - Depoya Tûtinê ya TEKEL'ê ya navçeya Reyhanli ya Hatayê ku wekî biryargeha MÎT'ê, tê xebitandin û li vir şere Sûriye tê şopandin û alîkariya lojîstîk tê dayîn, di demên dawî de bi şev sewqîyata çek û leşkerî ji kampên Atme û Çobanbeyê re tê kirin, bi roj jî li vir perwerde tê dayîn. 

Nûçegihanê me dîhaberê Erdogan Alayumat ku li Îslahiyeyê hatibû binçavkirin, ji ber nûçeyên ku çêkirine bi îdiaya "Endamtiya rêxistinê" û "Sirên dewletê daxuyandine" hat girtin. Nûçeyên ku Alayumat çêkirine û ji bo wan tê gotin ku 'sirên dewletê ne'. Nûçeyên Erdogan Alayumat ên bi ser navê "Jina penaber a wek hewiyê hat firotin: Ji li Sûriyeyê li bazara koleyan, li Tirkiyeyê li kampan tên firotin", "Li sînorê Hatay, Efrîn û Dîlokê amadekariyên êrîşa li hemberî Efrînê hatin lezandin", "Çeteyên Fuhûşê li AFAD'ê kamp ava kirin!" , " Ji Qaterê ber bi Cerablûsê çi tên veguhastin?", "Bi TIR'ên qaseyên wan mohrkirî ber bi Cerablûsê çi tên veguhastin?", "Li sînorê Kilîs û Qarqamişê wesayîtên bê plake cirîdan davêjin" û "Vîlayên li ser sînor êvarî bêdeng in, bi şev biçek in!" di dihaberê de hatin weşandin. 

Erdogan Alayumat, piştî 15 rojan di bin çavan de ma, şevê din di 27'ê Tîrmehê de hat girtin. Nûceyên Alayumat wekî deşîfrekirina sirê dewletê hat pênasekirin. Nûçeya Erdogan Alayumat a ku ji navenda nûçeyan re şand û piştî hat binçavkirin ji ber ku wêneyê nûçeyê neşandibû em niha diweşînin. 

NAVENDA SEWQÎYATA ÇEK Û PERWERDEHIYÊ
 
Navçeya Reyhanli ya Hatayê ji destpêka şerê li Sûriye heta niha wekî barageha şer tê zanîn. Yek ji navendên ku qadên êrîşên li dijî Efrinê pêk hêt Hatay e. Di demên dawî de Depoya Tûtinê ya TEKEL'ê bi awayekî berbiçav  wekî barageha MÎT'ê ya perwerdehiyê tê zanîn. Komên girêdayî El Nusra (Tahrir El Şam) û Ahrar El Şam û bi dehan komên radîkal ên di nava OSO de cih digirin, sewqîyata leşkerî û lojîstîk tên kirin. 

KONTEYNIRÊN ÇEKAN TÊN RAWESTANDIN

Li dûrî barageha ku li derve wekî avahiyek vala têxuyakirin, di nava wê de tedbirên mezintên girtin û avahî 24 saetan bi kamerayên termal tê şopandin. Tê dîtin ku deriyê avahiyê gule pêve naçin. Li baxçeyên avahiyê konteynirên şîn, kesk û reş tên rawestandin. Tê dîtin ku konteynir bi TIR’an derdixin derve. 

Avahiya TEKEL'ê ku demek dirêj vala ma, piştî şerê li Sûriye dest pê kir wekî avahiya birgargeha MİT'ê hat bikar anîn. 4 salin hêzên komên radîkal û operasyonî li vir di nava çalakî û tevgerê dene. Li vê herêmê bi şev sevkiyata leşkerî tê kirin û bi roj jî perwerde tê dayîn. 

Konteynirên ku li Karageha ten rawestandin bi riya MİT’ê ji navçeya Reyhanli di rêyaKirikhanê re dişînin deriyê Cilvegozu û ji wir dişînin gundê Bukulmezê ji wir jî dişînin kampên Atme yên Îdlibê. Dîsa di rêya duyemin de jî dişînin navçeya Hassa û Akbez û ji wir jî dişînin Navçeya Elbeyli ya Kilisê dişinin herêma El Rai (Çobanbey) 
TIR’ên ku tên sewqkirin di bin tedbîr û dorpêça tîmên taybet de tên şandin. Hat diyar kirin ku dema sewqîyata TIR'an tên kirin timên taybet ên cilên sivîl û bi çek parastina TIR''an dikin. 

Erdogan Alayumat - dihaber