Li Sûrê teqîn: 4 polîsan jiyana xwe ji dest dan 

2017-01-16 17:27:34

AMED - Li tenişta Çemê Dîcleyê ya  Sûrê qada ku moloz lê dihatin rokirin dema otobusa polîsan derbas dibû teqîn pêk hat. Di teqînê de 4 polîsan jiyana xwe ji dest dan û 2 polîs jî birîndar bûn. 

Li baxçeyê Hewselê ya navbera Çemê Dîcle û Navçeya Sûra Amedê li qada ku moloz lê dihatin rokirin teqin pêk hat. Dema otobusa polîsên hêzên çevîk derbas dibû teqîn pêk hat. Li gorî agahiyên ewil di teqînê de 4 polîsan jiyana xwe ji dest dan û 2 polîs jî birîndar bûn. Gelek ambulans hatin cihê bûyerê û polîsên birîndar kirin nexweşxaneyen Amedê.  Hat zanîn ku berî teqînê polîsan li qada molozan tedbîr girtibûn û dema otobusa hêzên çevîk derbas dibû teqîn pêk hat. Polîsên birîndar rakirin Nexweşxaneya Zanîngeha Dîcleyê.