Akademisyenan cubbe avêtin erdê

2017-02-10 13:50:35

ENQERE - Egîtîm Sen'ê bi armanca îxrackirina akademisyenan şermezar bike bi navê "Gihîştina Hev a Mezin" xwest pêş Kampusa Cebecî daxuyaniyê bide. Polîsan êrîşî hîndekar û akademîsyenan kir û destûr nedan akademîsyen têkevin Kampusa Cebecî ya Zanîngeha Enqereyê. Akademîsyenên êrîşa polîsan şermezar kirin cubbeyên xwe avêtin erdê. 

Şaxa Egîtîm Senê ya Enqereyê bi armanca îxrackirina 72 akademisyenan şermezar bike xwest li pêş Kampusa Cebecî ya Zanîngeha Enqereyê bicivin û daxuyanî bidin. Li ser banga Egîtim Senê ya "Gihiştina Hev a Mezin" gelek kes li  pêş Kampusa Cebecî kom bûn û xwestin daxuyaniyê bidin. Polîsan êrîşî akademîsyenan kir û alozî derket. Li ser fermana Rektor destûr nedan ku mamoste û akademîsyenên zanîngehê têkevin kampusê. Akademîsyenên ku xwestin têkevin kampusê rastî êrîşa polîsan hatin. Polîsan li lêdanê akademîsyen binçav kirin. Akademîsyen Cenk Yigiter, diyar kir ku polîsên hêzên çevîk hin akademîsyen darp kirin û li ber çavdêriya amîr ev êrîş pêk tên. 

Polîsan destûr neda Dekanê Fakulteya Zanyarên Civakî yê berê Yalçin Karatepe jî têkeve kampusê. Dema Karatepe tevî akademisyenan bi polîsan re  hevditin dikir polîsan êrîş kir û 2 kes binrçav kirin. Polisan bi kûçikan êrîşî Serokê Giştî yê Egîtim Sen'ê Kamuran Karaca û akamedîsyenan kir û gaza îsotê  avêt ser ruyê wan. 

CUBBE AVÊTIN ERDÊ 

Polîsan piştî êrîşî akademisyenan kir ketin û derketina kampusê girt. Akademisyenan jî bertek nîşan dan û cubbeyên xwe avêtin erdê. 
Xwendekaran jî bertek nîşanî êrîşan dan û rastî êrîşa polîsan a bi TOMA hatin.