Wan û Colemêrg di bin berfê de ma!

2017-02-15 12:21:37

WAN/COLEMÊRG - Li Wanê berfa ku serê sibehê dest pê kir trafîka bajar felc kir. Li Colemêrgê jî riyên 213 gund û gundikan hat girtin. 

Li Wanê berfa ku bi şev dest pê kir û berdewam dike bajar temamî xist bin bandora xwe. Ji ber berfa ku her diçe zêdetir dibare li bajar trafîk  felc dibe. Şaredariyên Ertêmat, Riya Armûşê û Tuşbayê xebatên paqjkirina berfê nakin ji ber vê yekê jî esnaf li ber deriyên dikanên xwe û cadeyan paqij dikin. 

Li navenda bajar jî ji ber ku rê nayên paqijkirin ajakor zehmetiyên giran dikişînin. Riya Miksê jî ji ber berf û tîpiyê hat girtin. 

Li bajar seferên balafiran ên Balafirgeha Ferît Melen jî hatin betalkirin. 

RIYÊN 213 GUND û GUNDIKAN HAT GIRTIN

Li Colemêrgê ji ber berfa ku 3 roj in dibare riyên 78 gund û 135 gundikan hatine girtin.