Jin di 3'yê hezîranê de derdikevin kolanan

2017-05-31 12:01:44

STENBOL - Koma  Pêşîlêgirtina Lezgîn a li Dijî Kuştinên Jinan bang li hemû jinan kir xwest di 3'yê Hezîranê ya ku jinên Arjantînê li dijî şîdeta zilam û îktidar û daraza ku şîdeta zilam rewa dike dibêjin "Na" hemû jin dakevin kolanan.

 Koma  Pêşîlêgirtina Lezgîn a li Dijî Kuştinên Jinan bang li hemû jinan kir xwest di 3'yê Hezîranê ya ku jinên Arjantînê li dijî şîdeta zilam û îktidar û daraza ku şîdeta zilam rewa dike dibêjin "Na" hemû jin saet di 18.00'an de bi slogana "Em jin azadî û jiyanê dixwazin" li ber Operaya Sureyya ya Kadikoya Stenbolê  bên cem hev.

Di banga jinan de wiha hate gotin:  

"Em di pêvajoyekî wisa de ne, li Tirkiyeyê û cihanê erd diheje. Ya ku duh rast bû îro dibe derew, hemû tişt tên guhertin lê şîdeta li hemberî jinan zêdetir dibe û didome.  Pêşiya kuştinên li dijî jinan nayê  girtin, wehşet rojane dibe û normal dibe. 

Jinên ku rastî tecawîzê tên, zarokên tên îstismarkirin jinên ku dixwazin ji zilaman veqetin bi awayekî sîstematîk an bi çekê yan bi kêrê, yan bi dînamîtê hin caran jî bi çakuç tên qetilkirin. Yek ji van jî tesaduf nîne. Encama polîtîkaya sîstematîk û bi îstikrar e. Îstikrar a ku 16 sal in  di her hevokê de  wekî pesndayînê tê ser ziman jî ev e.  Her roj di şîdeta zilaman de jinek tê kuştin bi destê qanûnê pêşiya vî şîdetê tê vekirin.  


Em weke Koma  Pêşîlêgirtina Lezgîn a li Dijî Kuştinên Jinan ji bo li dijî van polîtîkayan derkevin  li kolanan bin. Wekî ku jinên Arjantînê dibêjin, bi isyana xwe ve em ê li kolanan bin. Em bang li hemû jinan dikin di 3'yê hezîranê de li kolanan bin."