MELETÎ – Çotkarê 30 salan Rahîm Ozturk, bertek nişanî polîtîkayên hikûmetê yên sewalkariyê da û anî ziman ku polîtîkayên dewletê sewalkarî qedandiye.

Li Taxa Aşagi Golpinar a Meletiyê welatiyê bi navê Rahîm Ozturk (57) 30 sal e bi karê çandinî û sewalkariyê re mijûl e. Sewalkarî û çandinî wî bextewar dike. Ew li çewlikekê dixebite û kehyatiyê dike. Lê Ozturk dibêje wek her karî di kare sewalkariyê de jî xêr nemaye û lê em beramberiya keda zwe nastînin. Ozturk her karê çewlikê dike û got ku çewlika wan ji hezar û 100 donimî pêk tê. Ozturk diyar kir ku li çewlikê 150 çêlek hene û tevahiya rojê li sewalan, li darên mişmişan, nefelan dinêre û avdaniyê dike.

‘KRÎZ QET XELAS NEBÛ’

Ozturk dest nîşan kir ku li welêt sewalkarî hatiye asta xelas bûnê û wiha got: “Ev 40 sal e di vê sektorê de kirîz heye. krîza herî mezin di sala 2007’an de piştî hişkayiyê çêbû. Ev 10 sal e dewam dike. Bi hişkayiyê re êm ji sedî 100 buha bû û buhayê şîr jî nêvî nêvî daket. Gelek sewalkar neçar man ku çêlekên xwe şer jê bikin. Piştî çêlek hatin şerjêkirin hilberîna goştê sor zêde bû û buhayê goşt jî daket. Hikûmetê xw eli hemberî krîzê xwe li nedîtiyê danî û fêm nekir."

‘KREDÎ Û DESTEK TÊRÊ NAKE’

Ozturk anî ziman ku razemeniya ji bo sewalan tê kirin têr nake û wiha axivî: “Kredî û desteka tê dayîn krîzê çareser nake. Kredî û desteka dewlet dide beşek mezin ji îthalatê re diçe. Sewalên besîkirî û qesabiyê tên îthalkirin. Ji bo ku mirov golikekê xwedî bike divê bi hezar û 500 lîreyî şîr vexwe. Dema mirov rabe golikê bifiroşe hezar û nîv an jî 2 hezar lîre dike. Desteka ji bo golikekê 250 lîre ye. Lê torbeyek êm 55 lîre ye. 50 kîlo şîr hêj 50 lîre dike. Mirov 5 lîreyan zirarê dike. Di mehekê de 150 lîre zirarê dike. Ji ber vê yekê polîtîkaya welat bandoreke neyînî li me dike."