DERSIM - Li Dersimê ji ber topbarana leşkeran li qada daristanî şewat derket.

Daristanên li Dersimê bi rojan bû ji ber topbarana leşkeran dişewitî, di encama şewatê de bi hezaran zindîwarên li daristanê, dar û ber tev bûn xwelî. Şewata ku welatiyên Dersimê jî mudaxale kirin, herî dawî bi barîna baranê re bixwe vemirî. Di saetên serê sibehê de ji Fermandariya Tabûra Hêzên Taybet a Cendirmeyan li dijî çoltara gundê Sîn Bosê ya girêdayî navenda Dersimê topbaran pêk hat. Êrîşên li dijî herêmê dem bi dem dewam dikin. 51'yekemîn Tûgaya Ewlehiya Navxweyî ya Navçeya Xozatê jî çoltar da ber topan. Ji ber topbaranê şewat derket.

Ji hêla din ve ji ber derûdora Fermandariya Qereqola Cendirmeyan a Karşilarê ya girêdayê navendê jî 2 heftan şewatê dewam kiribû, li ser mudaxaleya welatiyan şewat hatibû vemirandin.