ANTALYA - Serokê Dev Turîzm-Îşê Mustafa Yahyaoglu, têkildarî tûrîzma Tirkiye anî ziman ku sala par turîzma Rûs ji 94 winda kir û wiha got: "Em isal tûrîstên alman winda dikin. Krîza siyasî bandorê li ser krîza aborî dike. Hemû krîz jî bandorê li ser krîza turîzmê dike."
Polîtîkayên hikûmetê yên hundir û derve her ku diçe Tirkiye di qada aborî de dixe nava qeyranê. Ji ber krîsa siyasî Tirkiye dinava welatên cîhanê de bi tenê dimîne. Kîrîsa siyasî bandorê li ser turîzmê dike û turîzm jî bandorê li ser aboriyê dike. Salae par ji ber krîza di navbera tirkiye û Rusya de, Rûsya turîst neşandin Tirkiye û peravên Antalya, Mugla Îzmîrê vala man. Îsal jî di navbera Tirkiye û Almanya de krîza siyasî heye. Welatiyên Alman ji niha de nayên Tirkiye.
Hat diyar kirin ku îsal ji sedî 89 welatiyên Alman ji bo betlanê nayên tirkiye. Li gorî daneyên turîzmê yên Tirkiye di sala 2015’an de 5.4 milyon tûrîstên Alman hatin Tirkiye. Di 2016'an de jî hêjmar kêm bû daket 3.4 milyon turîstan. Sala 2016'an li gorî sala 2015'an 21 milyon turîst kêm bûn.
Serokê Dev Turîzm-Îşê Mustafa Yahyaoglu, têkildarî tûrîzma Tirkiye anî ziman ku sala par turîzma Rûs ji 94 winda kir û wiha got: "Em isal tûrîstên alman winda dikin. Krîza siyasî bandorê li ser krîza aborî dike. Hemû krîz jî bandorê li ser krîza turîzmê dike."
Yahyaoglu, anî ziman ku her çend turîstên Rûsya îsal tên Tirkiyejî ne wekî berê ye. Yahyaoglu, destnişan kir ku ji ber Tirkiye zimanê dîplomasiyê rast bikar nîne krîsa siyasî derdikeve û ev yek bandora xwe li ser krîza aborî û turîzmê jî dike û wiha got: "Ji ber ku Tirkiye di qada siyasî de bi Ewropa re krîzê dijî hemû turîstên ewropa winda kirine. Turîstên Alman ji sedî 40 ji tevahiya turîstan zêdetir in. Ji sedî 35 turîstên Rusya ne. Tirkiye sala par ji sedî 94 turîst winda kirin. Îsal heman pirsgirêkê bi Alman û Ewropa re jî dijî."
Yahyaoglu, anî ziman ku berî her tiştî pêdiviya Tirkiye bi asayîbûn û normalbûnê heye û dievê polîtîkayên navxweyî û derve ji nûve rast bike. Divê bi gelê cîhanê û bi gelê xwe re şer neke. Divê hiqûq serdest be. Divê demek berî demekê gavên pêwist bên avêtin."