WAN – Qeyumê AKP’î Atolyeya Zîv a Sewad ku bi hostayên jin hat avakirin, hunara Sevat a aydê Wanêyê, kilîdê depoyek tarî hat kirin.

Qeyumê tayîna Şaredariya Bajarê Mezîn a Wanê hat kirin, bi girtina Navenda Jiyana Jinan a Rojîn re, Atolyeya Zîv a Sewad jî girt. Yek ji hostayên atolyeyê Sadullah Ozmen diyar kir ku bi girtina Sewadê re, çanda bajêr jî kilîdê depoeyek tarî kirin.

Ozmen ku yek ji 2 hostayên welat ên hunera Sewadê ye, da zanîn ku hunara Sewadê ku li Wanê derket, xwe dispêre salên 1300’yan. Ozmen anî ziman ku di atolyeyê de bi hezaran jinên ciwanê fêrî kar bûn û wiha axivî: “Bêyî ku tu hincetê nîşandan bidin atolye girtin. Piştî Ermeniyan ji bo hunera Sewad heya niha hosta negihane û ber windabûnê ve diçe. Li gel ku 16 salin dikana min heye jî, hêj min nekariye makîneyê hunera Sewadê bikirim. Şaredariya DBP’ê bi vekirina atolyayê re, hunera Sewadê çardin derxist holê. Nêzî salek û nîvê atolyeya me vekirî ma. Ji ber ku karê hunera Sewadê xwe dispêre pişeyiyê, di kursan de me hêjmar di ser 7’an re ne digirt. Ji bo her kesê kurs baş bû.”

HUNER KILÎDÊ DEPOYEK TARÎ KIRIN

Ozmen anî ziman ku turîstên dihatin bajêr atolye ziyaret dikirin û wiha got: “Ji bo pêşxistina vê hunerê tim xeyalên me hebûn. Şaredarî bû bersiv ji armancên me re û derfet avakirin. Têkildarî Pasaja Şaredariyê de biryara xirab kirinê heye. Ev hunera ku aîdê Wanê ye, ber bi tunebûnê ve diçe. Destpêkê atolye girtin, piştre jî bi hinceta ‘pasaj xirab’ dibe dikana min a 16 salî vekirî digrin. Niha jî min hemû alavên xwe xistiye depoyek tarî de. Êdî hunera Sewatê kilîdî depoyek tarî hat kirin.”

‘DÊ TÊKOŞÎNA ME BIDOME’

Ozmen dest nîşan kir ku ew ê têkoşîna xwe ya hiqûqû bidome û wiha got: “Xwendekara min Yildiz Oktay ku di atolyeya hunerê ya Sewadê de fêr bû, difikire ku dikanekê veke. Armanca min ew ku hemû astengiyên li pêşiya hunera Sewadê rabin û hebûna xwe bidomîn e.”