NAVENDA NÛÇEYAN - Nûnerê Taybet ê Têkoşîna li Dijî DAIŞê yê Amerîkayê Brett McGurk ji ber zêdebûna gefên El Qaîdeyê ya li herêma Îdlîbê ya li ser sînorê Tirkiye axivî û Tirkiye tawanabar kir.

Nûnerê Taybet ê Têkoşîna li Dijî DAIŞê yê Amerîkayê Brett McGurk, beşdarî panela bi sernava ‘Nirxandina Polîtîkayên Têkoşîna dijî Terorîzmê ya Rêveberiya Trump' ku li Enstîtuya Rojhilata Navîn hat lidarxistin bû. McGurk di nirxandinê de bal kişand ser hebûna El Qaîdeyê ya li Idlîbê û ji ber vê jî Tirkiyeyê sûcdar kir. McGurk derbarê mijarê de got: "Herêma Îdlîbê ji êrişa 11’ê Îlonê ve bûye wargeha El Qaîdeyê. Ev pirsgirêkeke cidî ye. Em li ser hebûna El Qaîdeyê ya li vê herêmê bi baldarî disekinin. Serokên El Qaîde yên ku diçin Îdlîbê piranî ji wir dernakevin. Lê divê em vê pirsê bipirsin? Cîgirê Serokê El Qaîdeyê Ayman el Zevahîrî çima û çawa diçe Îdlîbê. Ev çawa dibe? Di ku de xwe digihînin wir? Ew ne leşkerên paraşutvanin. Ji ber vê yekê divê Amerîka serederî bivê yekê re bike, ez nikarim bibêjim ku Amerîka li Sûriyeyê çidike. Niha Îdlîb nêzî sînorê Tirkiyeyê ye û wargeha El Qaîdeyê ye. Teqez em ê divê mijarê de bi tirkan re hevdîtin pêk bînin. Çawa me rê li milîtanên DAIŞ’ê girt, em difikirin ku li Îdlîbê jî pêk bînin.

‘Ji bo me hemuyan xetereya mezin e'

McGurk, piştî panelê pirsa rojnamevanekî ya piştgiriya Tirkiyeyê ya ji bo hebûna El Qaîdeyê ya li Îdlîbê bersivand û wiha got: "Ev yek bo Tirkiye bo Amerîkayê û me hemûyan pirsgireke. Bo têkoşîna vê pirsgirekê divê em ji nêz ve bi Tirkiyeyê re bixebitin."

Berê jî Rusya û gelek derdorên din Tirkiye bi tohmeta ku destek dide Cephet El Nûsra û DAIŞ’ê tewambar kiribûn.