NAVENDA NÛÇEYAN - Wezareta Parastinê ya Rusyayê ragihand ku hêzên wan ên esmanî karwanekî DAIŞ’ê bombebaran kirine û zêdetirî 200 DAIŞ'î hatine kuştin û 20 tank jî hatine rûxandin.

Wezareta Parastina Rûsya bi daxuyaniyekî eşkere kir ku hêzên wan yên esmanî li Dêrazorê li karwaneke DAIŞ’î xistine û dîmenên lêdanê jî kişandin. Di daxuyaniya Wezareta Parastina Rusya de wiha hate gotin: “Balafirên şer yên hêzên esmanî yên Rusya gelek çeteyên DAIŞ’ê ku ber bi Dêrazorê ve diçûn bombebaran kiriye. Çeteyan di xwest bajar bikin navenda xwe rêxistin kirinê û cihê herî dawî yê di Sûriyê de di destê wan de maye.”

Wezaretê destnîşan kir ku di êrîşa hêzên esmanî ya Rusyayê de zêdetirî 200 DAIŞ’î hatine kuştin. Hate ragihandin ku zêdetirî 20 wesayîtên ku berbi Dêrazorê ve diçin jî hatine îmhakirin.