DÊRSIM – Şewata bi rojane li Parka Mîllî ya Geliyê Munzurê didome û vemirandina wê tê asting kirin, li gel lawirên bi tunebûnê rû bi rûne re gelek zindiyên din bandor dike. Aktîvîstê Xwezayê Îsmaîl Ateş diyar ku ew herêma tê şewitandin, cih û warê lawirên ku nivşê wan li ber qedandinê ye.

Şewata herêmên daristanên navend û nevçeyên Dêrsimê ku 13 rojin didom û destûr nayê dayîn bê vemirandin, belav dibe. Leşker welatiyên dixwazin şewatê vemirînin asteng dikin. Li ser berteka welatiyan xebatkarên Midûryeta Dezgeha Daristanê mîna komên biçûk dem bi dem mudaxileyê şewatê dikin.

‘ŞEWATA MEZIN A LI DÊRSIMÊ YE’

Aktîvîstê Xwezayê û bi salane li Dêrsimê wêneyan dikişîne Îsmaîl Ateş diyar kir ku bi rojane neçarî temaşekirina şewata xwezayê hatin kirin û wiha axivî: “Her sal Dêrsimê dişewitînin. Par li 22 cihan şewat li dar xistin. Li gorî şewatên din, ev şewata herî mezin a ku xwezayê tune dike. Mudaxileyê ji bo şewatê asteng dikin.”
Ateş bertek nîşanî leşkeran da û wiha got: “Ez mereq dikim, gelo li cihekê cîhanê yê din, mirovên dixwazin şewatê vemirînin, tên asteng kirin? Gelo mînakeke vê yekê heye. Xwezaya me ya xweşik dişewite û em jî temaşe dikin.”

'CIH Û WARÊ LAWIR JÎ DIŞEWITE'

Ateş da zanîn ku qada jiyanê di talûkê deye û navê zendiyên li herêmê wiha rêz kir: “Hirç, Gur, Ruvî, Beraz, Pez kovî, bizinên bi şax, segê avê, jîjo, sivûrî, kûzik, fisteq, werşeq, mar, gumgumok, kîso, kêvjal, dûpişk, bizdoktî, kewa gozel, kevokên kovî, kevokên zinaran, bidep, qertal, baz, mîro, qaz, werdek, kund û hwd.”

Ateş anî ziman ku herêma lawirên ku nivşê wan bi tunekirinê re rû bi rûye niha dişewitin û wiha dawî li axaftina xwe anî: “Hemû lawir zirarê dibînin. Gelek lawiran ji ber şewatê koç kirin."