ÎZMÎR – Ekolojîstan şewata bajarên kurdan û bi dînamîtan wêrankirina Keleha Darpxanê ya Heskîfê nirxandin û diyar kirin ku tişta DAIŞ’ê li Palmîrayê kir, Tirkiye jî li Heskîfê dike.

Ekolojîstên Egeyî zêdebûna hilweşandinên ekolojîk ên li Tirkiyeyê, şewatên li bajarên kurdan hatin vêxistin û Keleha Derpxanê ya di çaçoveya avakirina Bendava Ilisuyê de hat dînamît kirin, nirxandin.

‘DEWLET PROVAKASYON DIKE’

Endamê Birêvebirina Saziya Platforma Hawirdor a Egeyê ((EGEÇEP) Turgut Înal, bi rojane şewata ji ber operasyên leşkerî yên dibin navê şer de li herêmê hatin pêxistin, nirxand û wiha axivî: “Şewata li bajarên Kurdan, bi armanca tunekirina xwezayê ye. Berhemên herî xweşik û xwezayî li bajarên kurdan hildiberin. Van deran dişewitînin. Li dijî van şewatan me û komeleya elewî ya Îzmîrê daxuyanî da. Lê me karî heya cihekê dengê xwe ragihîn in. Divê em bibin yek û li qadan bin. Dibin navê şewatê de dewlet provakasyon dike. Em ê bibin dengê hemû kesan.”

PIŞTGIRIYÊ DIDIN ÇALAKIYA ASLAN

Înal bal kişand ser dînamîtkirina Heskîfê û wiha got: “Li dijî bûyerên tên jiyîn, Parlamenterê HDP’a Îzmîrê Mehmet Aslan xwe bi zinarên Heskîfê ve zîncîr kir. Êdî kevirê sebrê teqiya ye. Dînamît kirina Heskîfê, dînamîtkirina xwezayê ye. Ji bo rantê hemû xwezayê talan dikin. Mirov bi xwezayê dijîn. Dixwazin gelê wir penaber bikin. Li vir jî herêmên dirokî mîna Heskîfê dibin avê de hiştin. Tiştên ku DAIŞ’ê li Palmîrayê kir, Tirkiye li Heskîfê dike.”

‘TOLA SEDSALAN JI XWEZAYÊ HILTÎNIN’

Endamê Platforma Hawirdor a Îzmîrê Huseyîn Kizildag jî diyar kir ku di rojên pêş de ji bo Heskîfê dê xebatên wan çêbin û wiha axivî: “Li dijî hişmendiya talankirina xwezayê, em ê daxwaza edalê bikin. Bi zanebûn Heskîfê wêran dikin. Dijminê gelê kurd bi wêrankirina Heskîfê, dixwaze ji gelê kurd tolê bigre. Tola sedsalan bi tunekirina xwezayê digre. Teqez em ê bi ser bikevin. Em dest ji têkoşînê bernadin.”