EDENE - Li Edeneyê 14 rêveberên HDP'ê ku Hevserokê HDP'ê yê Edeneyê Huseyin Beyaz jî heye piştî 10 rojan di bin çavan de hatin girtin sewqî dadgehê hatin kirin. Heyeta dadgehê der barê 8 rêveberên HDP'ê de cezayê hepsa malê birî.
Li Edeneyê di 5'ê mijdarê de Hevserokê HDP'ê yê Edeneyê Huseyin Beyaz jî heye 14 endam û rêveberên HDP'ê hatibûn binçavkirin. Rêveberên HDP'ê piştî 10 rojan di bin çavan de hatin hiştin îro sewqî dadgehê hatin kirin. Hevserokê HDP'ê yê Edeneyê Huseyin Beyaz, Hevseroka HDP'ê yê Seyhanê Suzan Kiliç, Rêveberê HDP'ê yê Edeneyê Îbrahim Yakut, Hevseroka HDP'ê yê Seyhanê Saniye Seçgin, Rêveberê KURDÎ-DER'ê Îsa Bulut, Hunermendê NÇM'ê Îlyas Arzu, Endamê TUHAD-FED'ê Mehmet Akar, Endamê MEYADER'ê Fesih Arttıran, Endamê Komeleya Rojava Ferdi Sonmez û Endamê HDP'ê Mustafa Çampinar, Îsmail Kino, Mahmut Erdem Mehmet Alî Înal û Osman Polat bi îdîaya "endamtiya rêxistinê" sewqî dadger hatin kirin. Dadger jî der barê Polat, Seçgin, Akar, Sonmez, Çampinar û Arttiran de biryara berdana bi kontrol da. Der barê Beyaz, Kiliç, Kino, Înal, Arzu, Bulut, Yakut û Erdem de jî biryara cezayê hepsa malê da.