AMED - Li gundên Askar û Beyrokê yên Pasûrê qedexeya derketina derve hatibû îlankirin, 30 gundiyên ku agahî ji wan nedihat girtin piştî 2 rojan welatiyan xwe gihand wan. Hat gotin ku şewata li gundê Askarê berdewam dike.
Qaymeqamê Pasûrê bi hinceta operasyona leşkerî di 21'ê Tebaxê de li gundên Askar û Beyrokê yên navçeya Pasûra Amedê qedexeya derketina derve îlankirinû, piştî qedexeyê ji 30 welatiyan 2 roj bû agahî nedihat girtin. Piştî dorpêça li herêmê îro rabû, welatî bi rêya telefonê xwe gihandin xizmên xwe û hat gotin ku rewşa wan baş e. Li gorî agahiyan leşkeran dest daniye ser nasnameya gundiyan û ji bo îfadeyê ew birine qereqolê.
Hat diyarkirin ku leşkerên li herêmê derketine operasyonê paşve vekişiya ne, lê der barê rakirina qedexeyê de saziyên fermî tu daxuyanî nedan.
Ji hêla din ve li herêma Şînakê êrîşa hewayî pêk hatiye û ji ber êrîşê şewat derketiye, ji ber şewatê qadeke mezin a daristanî şewitî, hêj cih bi cih şewat berdewam dike.
Welatiyên ku ji bo şewatê vemirînin çûn herêmê, leşkeran ew rawestandin.