MÊRSÎN - Esnafên Tarsusê ji ber li Sûka Tenekevanan 2 salin xebatên restorasyonê tên kirin, hatin asta îflasê. Esnaf dixwazin demek berî demekê xebat bi dawî bibin û zerara wan bê dayîn.
Li taxa Şehit Kerim a Navçeya Tarsûsa Mêrsînê, esnafên Sûka Tenekevanan a dîrokî, ji ber Şaredariya Tarsûsê ji sala 2015'an heta niha xebatên restorasyonê dike esnaf perîşan bûne. Li Sûka ku nêzî 260 esnaf lê kar dikin, ji ber xebatên restorasyonê zerar dikin. Esnafên qesab, aşxane, komirvan, mexaze, tekstîl û gelek kargeriyên din lê hene, li ser projeya şaredariyê ya 2 salan destûr dan şaredariyê. Lê 2 sal derbas bûn, hêj projeya restorasyonê bi dawî nebûye û sûka esnafan hêj şantiye ye. Ji ber xebatên restorasyonê heye alav û amûrên esnafan di nava toz û gemarê de dimîne û muşterî bi hêsanî nikarin biçin alav û amûran ji xwe re bistînin. Sûka ku berê her rojê bi sedan muşterî driçûn êdî muşterî naçin û esnaf li asta îflasê ne.
Esnafan diyar kirin ku ji ber restorasyon didome alav û amûrên wan di nava toz û qirêjiyê de dimînin û ji sedî 80 muşteriyên wan kêm dibin.