ÎZMÎR – Xebatkarê Kovara Ozgur Halkê nexweşa crohn Devrîm Ayik ku ji Îzmîrê sîrgûnê Girtîgeha Tîpa T a Antalyayê kirin, xwarinên dîyetê û dermanên wî nadin wî.

Xebatkarê Kovara Ozgur Halkê rojnameger Devrîm Ayik 2 sal berê bi îdîaya “Endamê rêxistinê ye” li Îzmîrê hat girtin. Ayik ku nexweşê crohn (nexweşînek rovî ya îltîhap û domdare) li girtîgehê, gelek caran hat emeliyatkirin, lê dermankirina wî nîvçe ma. Derman û xarinên di lîsteya dîyetê bipergalî nadinê. Ayik di 27’ê Nîsanê de ji Girtigeha Hêjmar 1 a Tîpa F a Kiriklara Îzmîrê rakirin Nexweşxaneya Lêkolîn û Perwerdê ya Ataturka Yeşîlyurtê. Li vê derê gelek caran hat emeliyatkirin û nêzî 10 santîman roviyê wê jêkirin. Ayik dibin çavdêriya cendirmeyên nobedar de 2 hefteyan li nexweşxanê raza û bêyî ku dermankirina wî biqede çardin şandin girtîgehê.

Ayik ji ber nexweşiya xwe 50 kîlo daye û ji ber dermankirina wî nîvçe ma, her ku diçe rewşa wî xerabtir dibe. Hat diyarkirin ku di demên dawî de bi Ayik re zikêşî çêdibe, divereşe, kilo dide û xwîn di destmêja wî de xuya dike. Li ser îtîraza Parêzerê Ayik Kasim Saglam, 2’yemîn Dadgega Cezayê Giran a Îzmîrê di 1’ê Kanûna 2016’an de, xwest têkildarî rewşa tendirûstiya Ayik rapor bê amadekirin. Li gel ku 9 meh derbas bûn jî, hîna rapora dadgehê xwestî nehatiye amade kirin.

'GIRTINA WÎ PÊKANÎNEK KEYFIYE’

Parêzerê Ayik Kasim Saglam diyar kir dadgeh rewşa tendirûstiya Ayik pişt guh dike û wiha axivî: “Ji bo muwekîlê min bê girtin tu belge û delîl tuneye. Divê pirsgirêka tundirûstiya Ayik û dema ku di girtîgehê de, berçav bê girtin û serbest bê berdan.”

‘DIVÊ SERBEST BERDIN’

Rêveberê Şaxa Komeleya Mafê Mirovan (ÎHD) a Îzmîrê Ahmet Çîçek jî diyar kir ku li gorî danayên ÎHD’ê di girtîgehên Tirkiyeyê de 357 girtiyên nexweşîna giran, hezar û 25 girtî û hikûmxarên nexweş hene. Çiçek anî ziman ku Ayik ji mirinê rizgar bûye û wiha axivî: “Piştî dermankirinê wî dibin Girtîgeha Tîpa L a Antalyayê. Di girtîgehê de çardin nexweşiya Ayik giran dibe. Em ji rewşa Ayik bi fikarin. Divê dimildest bê serbest berdan.”