ENQERE - Osman Şefîfî yê 17 salî li Afganistanê ji ber şer û zextên Talîban revî Îranê. Piştre ji bo jiyanek hêj baştir revî Tirkiyeyê. Şerîfî piştî rewşa li Tirkiyeyê dît, got ku "Ez ji Afganistanê ji baranê revîm, li Tirkiyeyê rastî zîpikê hatin."

Welatiyê afganistanî Osman Şerîfî li bajarê Kîşîmê hatiye dinê, hêj di zikê diya xwe de bûye, bi şerê li welat re rû bi rû maye. Ji ber ku bombeyek avêtine mala wan, dayika wî travma derbas dike û ji ber wê Osman wekî zarokekî astengdar tê dinê. Piştî mezin dibe, lê hêj zextên Talîbanê dewam dikin, dibistana xwe di nivî de dihêle.

Şerîfî got ku "Şerê li welat destê minê rastê ji min girt, lê xwezî dema girt berda" û wiha axivî: "Li welatê me zarokên 6-7 salî di şer de tên bikaranîn. Piştî ez hatim temenê ku bikaribim şer bikim, bavê min ez ji welat derxistim. Li wir zarok gelekî di bin bandora şer de dimînin."

RÊWÎTIYA WÎ DI 15 SALIYÊ DE DEST PÊ KIR

Şerîfî di 11 saliya xwer de dest bi xebatê dike, piştî 4 salan li welatê xwe dixebite, berê xwe dide Îranê. Şerîfî demekî li vir di karên înşaetê de dixebite, piştî 5 mewhan tê Tirkiyeyê. Şerîfî niha li qadeke mesîreyê ya li herêma Gulbaşi ya Enqereyê dixebite. Şerîfî ji derveyê zimanê dayika xwe ozbekî, piştî fîlmên hîntî temaşe kiriye hîntî, li Îranê farsî û li Tirkiyeyê jî tirkî hîn bûye.

Şerîfî rojê 12 saetan dixedbite û ne sîgorteya wî heye û ne jî ewlehiya wî ya kar. Şerîfî li qada mesîreyê li hespa mêze dike û bi wan re di heman cihî de dimîne. Qezenca wî hezar 200 TL ye û hemû qezenca xwe jî ji malabata xwe re dişîne. Şerîfî got ku "Min ji ber bêçaretiyê ev karan hilbijart. Divê ez ji malbata xwe re pere bişînim." Şerîfî rewşa li Tirkiyeyê jî bi gotinên ku nû tirkî hînbûye tîne ziman û dibêje ku "Dema em ji baranê revîn, em rastî zîpikê hatin."