AMED - Cîgira Hevserokên Giştî ya HDP'ê Aysel Tugluk û Cîgirê Hevserokên Giştî yê DBP'ê Seydi Firat jî di navde 9 siyasetmedarên kurd di operasyona li dijî KCD'ê de hatin binçavkirin sewqî dozgeriyê kirin.
Serdozgeriya Komarê ya Amedê di 26'ê kanûnê de di çarçoveya operasyona li dijî KCD'ê de der barê 9 siyasetmedên kurd de biryara binçavkirinê dabû. Di çarçoveya operasyona li dijî KCD'ê de Cîgira Hevserokên Giştî ya HDP'ê Aysel Tugluk û Cîgirê Hevserokên Giştî yê DBP'ê Seydi Firat û Hevserokê HDP'ê yê Amedê Cebbar Leygara, Cafer Kan, Edip Yaşar, Elvan Baran, Ramazan Ozbek, Halis Bilen, Mehmet Baysal hatibûn binçavkirin û der barê dosyaya wan de biryara veşartinê hatibû dayîn. 10 siyasetmedarên kurd ên bi îdîaya "endamtiya rêxistinê" hatin binçavkirin sewqi dadgehê hatin kirin.