AMED - Cîgirê Hevserokê Giştî yê DBP'ê Seydi Firat jî di navde 4 siyasetmedarên kurd hatin girtin.


Di çarçoveya lêpirsîna Serdozgeriya Komarê ya Amedê ya têkildarî Kongreya Civaka Demokratîk (KCD) de, 10 siyasetmedarên kurd ên di 26'Ê kanûnê di serdegirtina malan de bi îdiaya "endamê rêxistinê ne" hatibûn binçavkirin, 5 jê piştî karên îfadedayîna li muduriyeta polîsan sewqî Edliyeya Amedê hatin kirin. Piştî îfadedayîna li dozgeriyê Alîgira Hevserokatiya Giştî ya HDP'ê Aysel Tûglûk, Cafer Kan, Edîp Yaşar û Abdulbakî Karadenîz û Hevserokê HDP'ê yê Amedê Cebar Leygara bi daxwaza girtînê sewqî Dadweriya Cezayê Sulhê ya Nobedar hatin kirin. Heyeta dadgehê bi heman îdîayê der barê Aysel Tugluk, Cafer Kan, Edîp Yaşar û Abdulkadîr Karadenîz û Cebar Leygara de biryara girtinê da û ew şandin girtîgehê.

Koma duyemîn jî piştre sewqî dadgehê kirin. Di koma duyemîn de Cîgirê Hevserokê Giştî yê DBP'ê û Endamê Koma Aştiyê Seydî Firat, siyasetmedar Ramazan Ozbek, Halîs Bîlen û Mehmet Baysal bi daxwaza girtinê sewqî Dadgeha Nobedar a Sulh Ceza kirin. Ji 5 siyasetmedarên kurd jê 4 siyasetmedar bi îdîaya "Endamtiya rêxistinê" hatin girtin. Siyasetmedardê kurd Elvan Baran jî li dozgeriyê serbest hat berdan.