STENBOL- Di doza rojnameya Ozgur Gundemê de Gerînendeyê Weşanê yê Giştî Zana Kaya, endamên Lijneya Weşanê Asli Erdogan û Necmiye Alpay hatin berdan.

Aslı Erdogan û zimannas Necmiye Alpay bi hinceta di lijneya şêwirmendiya giştî ya Rojanmeya Ozgur Gundemê ya bi KHK'yê hat girtin de cih digirin, bi tawanbariya 'endamtiya rêxistinê' hatibûn girtin û di yekemîn rûniştina doza xwe de derketin pêşberî dadwer. Di dadgehê de ji bo Asli Erdogan, Necmiye Alpay û gerînendeyê giştî yê rojnameyê Zana Bîlîr Kaya biryara tahliyeyê hat dayîn. Her wiha dadgehê biryara berdewama girtina gerînendeyê karên nivîsan ê rojanmeyê Înan Kizilkaya da.

Ji bo Erdogan, Alpay û Kaya biryara qedexeya derketina derve hat dayîn û her wiha wê şertê venêrîna edlî ya Parêzer Eren Keskîn jî bidome.