HATAY - Li Hatay a ku xwedî sifreyeke dewlemend e, helawa kunciyan êdî li ser sifreyan e. Helawa kunciyan ku zêdeyî 100 salî ye tenê di meha Remezanê de tê çêkirin, bivênevêya sifreyan e.

Li Hatay a ku xwedî sifreyeke xwemal û dewlemend e, helawa kunciyan ku tenê di meha Remezanê de tê çêkirin niha li ser dezgehan cihê xwe wergirt. Helawa kunciyan ku ji ber taybetmendiya xwe ya parîbûyînî xwedî tahmeke cuda ye, hem di fitariyê de hem jî di sihoran de bivênevêya ser sifreyan e.

Malbata Fansa ya ku zêdeyî 100 salî ye ku li Çarşiya Ûzûnê ya Hatayê berên şîraniyî çêdike, dibêje ku mîrateya kal û bavan e û bi vî awayî vê kevneşopiyê didomîne. Yunus Emre Fansa, anî ziman ku li ser dezgehê ku ji kalikê kalikê wî ji wan re maye tenê di meha Remezanê de ev cure şîranî tê çêkirin.

ÇÊKIRINA WÊ ZEHMET E

Fansa, anî ziman ku çêkirina vê şîraniyê pir zehmet e û wiha got: "Em serê sibehê saet di 04.00'an de dikanê vedikin. Em ji bo şîraniyê tevlîheviya ku ji tihîn, şekir, çoxan û kunciyan pêk tê amade dikin." Fansa, ragihand ku piştî karê qelandinê, ew helawê tevlîhev dikin heta ku bibe wek macûnê. Fansa, got ku piştî helaw wek bastîqê belav dibe, paşê ew bi kêrê bi dirêjahiyî jê dikin.

Herî dawî bi merdaneyeke hesinî şiklê dawî tê dayîn û wek dîlimên biçûk ji bo firotinê tê amadekirin.

Ji ber ku bi gihayê çoxanê hatiye çêkirin ne giran e û li ber çay, qehwe û vexwarinên cemidî tê xwarin. Fansa, dibêje ku ew kîloya wê bi 16 lîreyî difiroşin, lê belê wek berê raxbetek jê re tune ye. Fansa, dest nîşan kir ku ji ber ku ev kar û barê bav û kalê wan bûye, ew vî karî didomînin û wiha got: "Bavê min ev pîşe hînî min kir. Kalê min jî hînî bavê min, kalê min jî ji bavê xwe hîn bûye. Yanî ji bav derbasî kur bûye û heta roja îro hatiye. Ez ê jî hînî zarokên xwe bikim û em ê nifş bi nifş vî karî bidomînin."