COLEMÊRG- Endamê Meclîsa Şaredariya Geverê Reşît Guneç da zanîn ku projeyên wan ên ev salan e amadekirine û ji ber astengiya dewletê pêk neanîne bi tayînkirina qeyûm ketin meriyetê.
Li navçeya Gevera Colemêrgê di 15 Cotmeha 2016'an de hevşaredar Rûken Yetîşkîn û Tacetîn Safali ji aliyê Wezareta Karên Hundir ve ji peywirê hatin dûrxistin û di 19'ê Kanûna 2016'ande Qeymeqamê navçeyê Mahmût Kaşikçi wek qeyûm hat tayînkirin. Qaymaqamê ku hat tayînkirin projeyên ku ji aliyê wextê DBP'ê ve hatin amadekirin û bi salane ji aliyê dewletê ve rastî astengiyê hatine wek projeyê xwe dide nîşandan. Endamê meclîsa Şaredariya Geverê Reşît Guneç bertek nîşanî qayyûm da û got ku projeyên pereyên wî û proje hatiye amadekirinê ku 8 sale asteng bûne.
'YEKÎTIYA EWROPAYÊ JI BO PROJEYÊ 48 TRILYON ŞAND'
Guneç ani ziman ku wan di sala 2009'an de hin biryar girtine û ev her tim hatine astengkirin. Guneç destnîşan kir ku projeyên wan ên sereke projeya Avê û projeya aritmayê bûye û ev agahî dan: "Ser daxwaza fîrmaya Holanda yê me ji şaredariyê re 60 hezar erse sitend.Yekitiya Ewropa yê jî ji bo projeyê 48 trilyon pere şande Banqa Bajaran. Ji bo projeyê 7 trilyonê ku mabû jî şaredariyê amade kir. Her tiştê projeyê di 2014'an de qediya bû. Lê destûr nedan ku em projeyên xwe temam bikin."
ÇAPEMENÎ PROJEYAN WEK PROJEYÊN QAYYÛM NÎŞAN DIDE'
Guneç diyar kir ku wan ji bo projeyan heyetek jî amade kirine û wiha berdewam kir: "Me li Enqereyê bi rêveberên wezaretê re li ser projeyê hatine cem hev. Rêveberên wezaretê ji me re gotin 'Hûn di nav bajarên ku pirsgirêkê bingehê hene de rêza 16'min de ne' Ev 8 sal in projeyên me amade dan sekinandin lê dema ku qeyûm tayînkirin ev projey bi lez û bez hat qebûlkirin. Niha jî ev projeyên ku şaredariya DBP'i amade kiriye rayedar û çapemeniya wan wek projeyê qayyûm nîşan dide."
'QAYYÛM 12 WESAYÎTAN JÎ WEK PROJEYA XWE DA NÎŞANDAN'
Guneç anî ziman ku 3 kepçe, 4 otobos, ambûlans, wesayiteya îtfayê, Grayder û 2 pîqabên ku bi 4 trîlyonan ji aliyê wan hatine stendin jî wek qayyûm stendiye hatine nîşandan û wiha axivî: "Hemû projeyên me yên ku rastî astengiyê dihatin bi qayyûm pêk hatine."