STENBOL – Endamên jin ên Piştevaniya Mor di 25-27’ê Tebaxê de li Balikesîrê, di qenpa havînê de kom dibin. Jinan têkildarî kampê banga “Ger tu nebî em kêmin. Em guh bidin dengê azadiyê” kirin.

Rêxistinên jinan ku lez dan xebatên xwe yên rêxistinkirinê, dê di qempên jinan de bicivin. Piştî Pîrheboka Kampus û Piştevaniya Nar, Piştevaniya Mor jî ji bo mezinkirina azadî û piştevaniyê di 25-27’ê Tebaxê de li Gonen a Balikesîrê bi jinan re kom dibin.

AMADEKARÎ DIDOMIN

Endamên jin ên Piştevaniya Mor li gelek taxên Stenbolê xwe birêxistin kirin û amadekariyên wan didomin. Jinên bi dirûşmeya “Em azadî û jiyanê dixwazin” li qempa havînên kom bibin, dê têkildarî pirsgirêkên jinan ên li Tirkiyeyê dijîn nîqaş bikin.

Endama Piştevaniya Mor a bi amadekariyên qampê re eleqedar dibe Gamze Ozkok diyar kir ku amadekariyên qampê ber bi dawîbûnê ve diçe. Ozkok da zanîn ku li dijî tacîz, tecawîz, tundî, bêedaletiyê, gotinên nefretê yên li hemberî jinê û hemû êrîşên li ser jinan dê dengê ‘Na’ xurtir belav bikin.

‘GUH BIDIN DENGÊ AZADIYÊ’

Ozkok dest nîşan kir ku pergala kapitalîzmê ya zilam ji her alî ve jin dorpê kirin û wiha got: “Qadên ku em lê bêhnê bigirin tên tengkirin. Bûyerên tacîz û tecawîzê asayî dibin. Dixwazin jinê bavêjin derveyî civakê. Lê em ê bi piştevaniyê xwedî jiyana xwe û hev derbikevin. Ji bo azadiya jinê rêyek nû vekirin, deriyê azadiyê vekirin, xwedî li hêza xwe ya çewherî derketin, em hemû jinan vedixûnîn qempa 25-27’ê Tebaxê ku dê bê lidarxistin. Ger tu nebî em kêmin. Guh bidin dengê azadiye.”

Jinên ku dixwazin beşdarî qempê bibin, dikarîn xwe li ser vê numarê 0553- 549- 62- 06 bigihîn in endamên piştevaniyê.