ENQERE - Platforma Em dê Cînayeta Jinan Rawestînin, rapora 2016'an a kuştina jinan parve kir. Li gorî raporê di 2016'an de 328 jin hatin kuştin. Ji sedî 50 jin di serdema OHAL'ê de hatin kuştin.

Platforma Em dê Cînayeta Jinan Rawestînin, rapora 2016'an a kuştina jinan bi cemaweriyê re parve kir. Li gorî vê raporê di sala 2016'an de kuştina jinan zêde bû û ji 328 jin hatin kuştin ji sedî 50 piştî serdema OHAL'ê hatin kuştin.

Platformê wiha cih da raporê:

JI ALIYÊ XIZMÊN XWE VE HATIN KUŞTIN

Jinên hatin kuştin, ji sedî 45 jinên ku xwestin bi serê xwe biryarê bistînin ji aliyê xizmên xwe ve hatin kuştin. Ji sedî 46 jinên hatin kuştin xwedî zarok bûn. Piştî îlankirina OHAL'ê kuştina jinan zêde bû. Ji jinên hatin kuştin ji sedî 50 di serdema OHAL'ê de hatin kuştin. Ji sedî 70 jin bi çekan û alavên dibirin hatin kuştin. Ji sedî 20 jinên ciwan hatin kuştin. Piştî OHAL'ê zarokên 15 salî jî ji aliyê mêr ve hatin kuştin. Li gorî raporê bajarên ku herî zêde jin lê hatin kutin Stenbol e. Li gorî bajaran li Stenbolê 34, li Edeneyê 17, li Enqereyê 16 û Îzmirê 16, li Antalya 14 û Dîlokê 14, li Kocaleyî 11 û Mugla 11, li Manisa 10 û Konya 10 jin hatin qetilkirin. Di raporê de hat zanîn ku di sala 2016'an de têkoşîn zêde bû û di serdema AKP’ê de kuştina jinan zêde bû. Di serdema AKP'ê de jin rastî tacîzê hat. Platformê da zanîn ku di sala 2016'an de bi giştî 328 jin ji aliyê mêr ve hatine kuştin. Di meha Çile de 36, di adarê de 94, di meha gulanê de 136 jin hatin qetilkirin

HETA HEZÎRANÊ 151 JIN HATIN KUŞTIN 128 ZAROK BÊ DAYIK MAN

Di destpêka meha Hezîranê de Serokomar Erdogan got Recep Tayyip Erdogan ji dayikan re got "Yên dayikbûnê red bikin yên kevaniyê nekin mirovên nîvco ne. Kêm in" Heta meha hezîranê 151 jin hatin kuştin û 128 zarok bê dayik man.

PIŞTÎ OHALÊ KUŞTİN DUQAT ZÊDE BÛ

Bi îlana OHAL'ê re kuştina jinan duqat zêde bû. Li Eskişehirê zaroka 17 salî Kader Kaya, li Êlihê zarka 17 salî Amine Demirtaş ji aliyê xizmên xwe ve hatin kuştin.

’76 ZAROK RASTÎ ÎSTÎSMARÊ HATIN'

Hikûmeta AK Partiyê wekî Vakfa Ensarê li Semsûrê jî xwest îstîsmara zayendî ya Lîseya Îmam Hatîpê veşêre. Li vir 76 zarok rastî îstîsmara zayendî hatin. Li Îzmirê zarka 9 salî li Mereşê zaroka 8 salî rastî îstîsmarê hatin. Li Stenbolê Ayşegul Terzi ji ber şort li xwe kir rastî lêdanê hat. Serokwezir Bînalî Yildirim got dibe ku ‘bike mire mir" û tundî erê kir. Li Trabzonê yên buroşurê epilasyonê belav kirin rastî êrîşê hatin. Jina ducanî Ebru Tirelî ku spor dikir rasti êrîşê hat.