REQQA – Bi dehan sivîlên Reqqayê xwe gihandin taxa Nezlit Şihadê û ji aliyê şervanên QSD'ê ve, li herêmên bi ewle hatin bicihkirin.

Hemleya Rizgarkirina Reqayê di roja 80'yi de dewam dike û şervanên QSD`ê gav bi gav çemberê li DAIŞ`ê tengtir dikin. Îro ji saetên sibehê ve li taxa Mensûr a girêdayî taxa Kevin a Reqayê endamekî DAIŞ'ê yê xwekuj ku xwest xwe bigihîne nuqteyên şervanan, hate kuştin. Li heman taxê 3 RAIŞ'ê din jî hatin kuştin. Bi dehan welatiyên sivîl ji taxên cuda ên bajarê Reqayê xwe gihandin taxa Nezlit Şihadê ya dikeve başûrê bajêr. Şervanên QSD'ê sivîlên rizgarkirî li herêmên bi ewle bi cih kirin.
Sivîlan bi rizgarkirina ji DAIŞ'ê, kêfxweşiya xwe anîn ziman.