ÎZMÎR – Hevseroka Giştî ya HDP’ê Serpîl Kemalbaya Nobeta Wijdan û Edaletê ziyaret kir û wiha got: “Heya ku edalet û aştî pêk were dê têbikoşin.”


Hevseroka Giştî ya HDP’ê Serpîl Kemalbay, Nobeta Wijdan û Edaletê ya Partiya Demokratîk a Gelan (DHP) ku li Qada Gundogduya Îzmîrê di rojan 5’emîn de didome, ziyaret kir. Kemalbay a parlamenterên li qadê pêşwazî kirin, daxuyanî da çapemeniyê. Kemalbay balkişand ser çalakiya nobetê ya sê bajarên din û wiha axivî: “Li Amedê nobeta me destpêkir, li Stenbol û Wanê domiya û ji Wanê derbasî Îzmîrê bû. Ji bo hevdîtina gel a bi partiya me re asteng bikin, qad bi dorpêçê kirin mîna girtîgeha servekirî.”

'EM Ê BÊDENG NEMÎNIN'

Kemalbay bal kişad ser hevkariya AKP-MHP’ê ya dixwazin wan ji gel qût bikin û wiha got: “Piştî hilbijartinên 7’ê Hezîranê pêvajoyek faşîzane destpêkir. Em ê li dijî pêkanîn faşîzane bêdeng nemînin. Heya edalet û aştî pêk were em ê têbikoşin. Em heviyan avadikin. Em spasiya rêveberiya Bajarê Îzmîrê, xebatkar û hevalên me yên birojan di nobetê de, dikin.”

SILAV JI GIRTIYAN RE ŞAND

Kemalbay anî ziman ku heya jin, ciwan, xweza û hemû gel biser bikevin dê têbikoşin û wiha dawî li axaftina xwe anî: “Li Dêrsim û Heskîfê wêrankirin didomin. Em ê bi hevre qezenc bikin. Em ji Fîgen Yusekdag, Selahattîn Demîrtaş, Gultan Kişanak, Sabahat Tuncel û hemû rêhevalên me yên di zindanan de re silav dişin in. Ev nobeta wan e jî.”