ENQERE - Serokwekîlê Koma CHP'ê Levent Gok, der barê geşedanên dawî û niqaşên li ser tayinkirina di TSK'ê de civîna çapemeniyê pêk anî. Gok, anî ziman ku tayînkirina di TSK'ê de ferastea dewletê serobin kiriye.

Serokwekîlê Koma CHP'ê Levent Gok, der barê geşedanên di rojevê de li Meclîsê civîna çapemeniyê pêk anî. Gok bal kişand ser peywirdarkirin û tayînkirina nû ya di nava TSK'ê de û wiha got: "Vê guhertin û tayînkirinê feraseta dewleta Tirkiye serobin kiriye. Bi vê tayînkirinê qîmeta liyaqat û qidemê di artêşê û midûriyeta polîsan de nemaye. Bi vê guhertin û tayînkirinê êdi dê kesên jêr karibe fermanê bide kesên jora xwe. Ev guhertin asta ku Tirkiye hatiye nişan dide. Siyaset tev li qişlaye kiriye. Ev nayê qebûlkirin. Berê FETO ketibû nava polîsan. Niha jî AKP ketiye nav.

'KES NABE ALÎKARIYA ERDOGAN'

Gok, helwesta Serokê AKP'ê Erdogan jî rexne kir û wiha got: "Bawerim şêwirmendên Erdogan wî şiyar nakin. Usluba wî rast nakin. Ev uslub Tirkiye bêtir perçe dike û dike du enî. Xuya ye kes nabe alîkariya Erdogan.

'WELATIYÊN TIRK ÊN LI ALMANYA DI NAVA XETERIYÊ DENE'

Gok, bal kişand ser têkiliyên Tirkiye û Almanya û wiha got: "Welatiyên Tirkiye yên li Almanyayê êdî xwe di ewlehiyê de nabînin. Divê Tirkiye li gorî 'Li welat aştî, li cîhanê aştî' tev bigere. Di vê mejarê de pêdiviya Erdogan a bi hestiyariyê heye.