ENQERE - Serokomar Erdogan piştî bi awayekî fermî bû Serokê AKP'ê êdî di her civînan de qala "Metalê westiyayî dike û dixwaze hemû rêveberên AKP'ê ji nûve biguhere. Piştî Erdogan gotina "Metalên westiyayî" anî rojevê, tasfiyeya navxweşî dest pê kir û gelek serokên AKP'ê yên bajaran îstîfa kirin. Gelek wezîr hatin guhertin. Têkildarî vê mijarê Sazumankarê AKP'ê Ertugrul Yalçinbayır, bertek nîşanî helwesta Erdogan a "Metalên westiyayî" û "Rêya xwe şaş kirine" da û wiha got: "Yên ku rêya xwe şaş kiriye ne em in. Yên ku wekî "Metalê westiyayî" ne em in. Evana tev ew bi xwe ye.

Serokê AKP'ê Erdogan piştî bi awayekî fermî dîsa bû Serokê AKP'ê, bê navber di civînan de behsa "Metalê westiyayî" dike. Dîsa diyar kir ku pêdivî bi nûkirinê heye, li ser navê nûbûnê tasfiyeya nava AKP'ê dest pê kir. Erdogan li bajarê bi ser neket di bin navê westandinê de serokên partiyan guhert.
Yên bi şiklekî riya xwe ji AKP'ê qetandin, Erdogan ew wekî kesên "Rêya xwe winda kirine" pênase kir. Erdogan piştî dest bi tasfiyê kir, Gelek serokên bajaran îstîfa kirin û hêj îstîfa didome. Di nava wan de Şaredarê Enqereyê Melih Gokçek û gelek şaredarên din jî hene. Hin caran Serokwezîr Binali

Yildirim jî piştgirî da Serokê AKP'ê Erdogan û wiha got: “Serokomarê me qala 'Metalê westiyayî" ya nava partiyê dike. Ev mertalên westiyayî dibe ku temenê wê ji bi qasî biharê kin bidome.

Hewldanên Erdogan ên bi vî rengî ku dixwaze AKP'ê ji nûve saz bike, nîşan dide ku baweriya civakê ya di hilbijartina 2019'an de li hemberî wî pir kêm bûye û ji ber vê yekê dixwaze xwe nû bike.

'KÊ RÊYA XWE ŞAŞ KIRIYE DIYAR E'

Sazumankarê AKP’ê Ertugrul Yalçinbayır, helwesta Erdogan nirxand û diyar kir ku kê diya xwe şaş kiriye û kî westiya ye diyar e û wiha got: Ez naxwazim der barê AKP'ê de şirove bikim. Lê AKP’ê rêzikname û bernameya xwe îhlal kiriye. Ne pêwiste ez der barê wan de biaxivim. Derketine dervê rêkzikname û bernameyê. Tayip Beg ji bo me dibêje 'vana rêya xwe şaş kirine' Lê diyar e kê rêya xwe şaş kiriye.

Yalçinbayir, beşdarî gotina Erdogan a ji ber Metalên Westiyayî Serokên AKP'ê yên Muş, Colemêrg Şirnex û Agirî guhert nebû û wiha got: "Biryarên tên girtin li dijî qeydan in. Ez zêde nizanim di nava AKP'ê de çi dibe. Ez zêde pê eleqeder jî nabim. Lê Tirkiye hem di qada bazirganî û siyasetê de hem jî di qada hiqûq û baweriyê de ketiye nava pêvajoyek bê qeyd. Ez her dem dibêjim ya qeyd rêzikname ye. Pirtûk e. Li pirtûka girêdayî ol û hiqûqê binerin. Yên dipirsin û lêpirsînê dikin mirovan kêm dixin û heqaretê dikin. Ev nayê qebûlkirin. Hem yên dengê xwe didin, hem jî kesên dibin endam bila zanibin dengê xwe didin kê û dibin endamên kê. Ger ku li pişt hest û hewesê xwe bimeşin, bila baş bifikirin. Di hundirê keştiyê de em hemû hene. Min tu carî hêviya xwe neqedandiye. Her dem bi hêvî me. Tu mafê min ê bêhêvîtiyê jî tune ye."