BOLU - Serokê Teşkilata AKP'ê yê Navçeya Navendî ya Bolu Adil Esen, li ser hesabe medya civakî daxuyanî da û wiha got: “Bila bê zanîn ku xwestin em îstîfa bikin."

Piştî Serokê AKP'ê Tayyip Erdogan di civînên AKP'ê de got pêdivî bi nûkirinê heye û di nava partiyê de "metalê westiyayî heye" Serokên Teşîkatên bajarê Agirî, Colemêrg, Mûş û Şirnexê îstîfa kirin. Piştre Serokê Teşkilata AKP'ê yê Navçeya Navendî ya Bolu Adil Esen, îstîfa kir û li ser medya civakî peyam belav kir. Esen, di hesabê medya de diyar kir ku divê her kes zanibe ku ji wan hat xwestin ku îstifa bikin û hatin îstîfakirin.

Beriya ku Esen îstîfa bike Cîgirê Serokê Teşkîlata AKP'ê û Koordinatorê heremê Hacı Turan û Wekîlê AKP'ê yê Kîlîsê Huseyin Devecioglu bi reveberên AKP'ê yên Boluyê re civîn çêkirin û piştî civînê Esen îstîfa kir.