ENQERE – 102 kesên di êrîşa xwekujan a 10'ê Cotmeha 2015'an de li GAR'a Enqereyê jiyana xwe ji dest dan di meha 22’an de hatin bibîr anîn. Hevserokê Giştî yê KESK'ê Mehmet Bozgeyik, xwest ku li vê qadê bîrdariya Ked Demokrasî û Aştiyê bê avakirin û bê bi bîranîn.


Komkujiya di 10'ê Cotmeha 2015'an de, li dijî mîtînga Aştîyê li GAR'a Enqereyê pêk hat, 22 meh li pey xwe hişt. 102 kesên di êrîşa xwekujande jiyana xwe ji dest dan, hatin bibîr anîn. Bîranîna 102 kesan li pêş GAR'a Enqereyê di bin dorpêça polîsan de pêk hat. Di bîranînê de wêneyên kesên li qadê jiyana xwe ji dest dane hat vekirin. Nûner û rêveberên KESK, rêveberên Komeleya Aştî û Demokrasiyê ya 10'ê Cotmehê û xizmên kesên jiyana xwe ji dest dane amade bûn. Girsê di bîranînê de dirûşmeyên “10'ê Cotmehê nehat ji bîrkirin nayê ji bîrkirin", “Ji şer re na aştî hema niha" berz kirin. Girsê dîsa pankartên “Me kesên aştî hêvî dikir ji bîr nekir û em ji bîr nakin" û "Ji înadê re aştî" rakirin. Dîsa pankarta ku wêneyê 102 kesên di komkujiyê de jiyana xwe ji dest dabûn hat rakirin.
Di bîranînê de Hevserokê Giştî yê KESK'ê Mehmet Bozgeyik, diyar kir ku ev komkujî şerma herî mezin e û wiha got: "Em dê li têkoşîn û doza kesên di komkujiya 10'ê Cotmehê de şehîd bûn xwedî derkevin. Em dê doz û têkoşîna wan mezin bikin. Divê navê vê qadê wekî Qada Aştî û Demokrasiyê ya 10'ê Cotmehê bê guhertin û bîrdariya wê bê avakirin.

Bernameya bîranînê saet di 10.04'an de bir rêzgirtinê dest pê kir. Seroka Komeleya Aştî û Demokrasiyê ya 10'ê Cotmehê Mehtap Sakinci Coşgun jî diyar kir ku edalet li vê qadê hat windakirin û ew dê li vê qadê edaletê bi dest bixin.