WAN - Heyeta HDP'ê piştî çû gundê Şapatanê lêkolîn kir rapora îşkenceya li gundiyan hatiye kirin amade kir. Heyeta HDP'ê diyar kir ku gotinên Waliyê Colemergê ne rast in û wiha got: "36 gundî nêzî saetekê rastî lêdana dar, kontarên çekan, şîşên hesînî hatine û rastî îşkenceyê hatine."
Leşker û polîsan di 6'ê Tebaxê de bi ser gundê Şapatanê ya Navçeya Şemzînanê de girt û îşkence li welatiyan kirin. Piştî welatî rastî îşkenceyê hatin û hatin binçavkirin serbest hatin berdan. Walîtiya Colemêrgê diyar kir ku îşkence nehatiye kirin û ev pêkanînên hiqûqî ne. Li ser vê yekê HDPê heyetek ava kir û li Şapatanê lêkolîn kir. Heyeta HDP'ê ku ji parlamenterên HDP'ê Mizgin Irgat, Nihat Akdogan Endamê Meclisa HDP'ê Ozgur Zeydanoglu, pêk dihat li gund lêkolîn kirin û rapor amade kirin. Heyeta HDP'ê pişti civina çapemeniyê ya li Nobeta Wîcdan û Edaletê rapor bi raya giştî re parve kirin.
Zeydanoglu rapor xwend û wiha got:
‘GEL WEKÎ TALÛKEYA POTANSİYEL TÊ DÎTIN'
“Di sala 2017'an de qedexe li gundê Şapatane hat ilankirin. Di legerina malan û zeviyan de çek nehatine dîtin. Lê tevî vê yekê polîs û leşkeran bi ser gund de girtiye û îşkence li welatiyan kirine. Li mînareyên mizgefta gund kamera bi cih kirine. Zevî, bax û bostanên welatiyan li welatiyan qedexe kirine. Zevî û daristanên gundiyan bi rêk û pek hatine şewitandin û gundî hatine cezakirin. Ji ber di hilbijartinên giştî û yên herêmî de gel hilbijartina xwe kirye wekî talûkeya potansiyel hatiye dîtin.
Di 5'ê Tebaxê de gelek polîs û leşker li herêmê bi cih bûne. Di 6'ê Tebaxê saet di 01.00'an de li jora Şapatanê şer derketiye. Li gori daxuyaniya walî tîmekî taybet miriye. Piştî vî şerî Polîsên Tîmên Taybet bi ser gundê Şapatanê de girtiye. Bi ser gelek malan de girtine. Di serdegirtina navbera saet 01.00-01.30'an de gelek jê rêveberên HDP'ê 6 kes darp kirine. Bi lêdan û îşkenceyê welatî binçavkirine.
JI 6 SALÎ HETA 90 SALÎ ÎŞKENCE LI HEMÛ WELATIYAN KIRIN
Ji zaroka 6 salî heta pîra 90 salî îşkence li hemû welatiyan kirin. Bi gotinên qirêj jin taciz kirin. Di operasyona ewil de 6 kesên ku endamên HDP'ê ne binçavkirin. Nêzî 4 saetan di mizgeftê de li wan işkence kirine. Cam û deriyên malan şikanine. Di navbera saet 04.30-07.30'an de li gundê Şapatan, Bêtu û Meydanê operasyonên nû pêk anin. Di serdegirtina malan de cam û derî şikandin. Neheqiyên giran li welatiyan kirin. Di operasyonê de zedeyî 100 welatî rastî lêdan û neheqiyên giran hatin. Di operasoynê de 36 welatî hatin binçavkirin. Tevî gelek jê birîndar bûn di maşîna zirxî de avêtin ser hev û birin Midûriyeta polisan a Şemzinanê. Li Midûriyeta Polîsan ji 36 kes saetekê rastî îşkenceya dar, cop, şîşê hesin hatine. Piştî îşkenceya saetekê 36 kes xistine nezaretê. Piştî avêtin nezaretê îşkence bi dawî bûye.
Ji 36 kesên hatin binçavkirin, jê 20 kes bêyî lêpirsînê bikin li midûriyetê serbest hatin berdan. Bunyemin Atahak ê hat berdan ji ber rastî îşkenceyê hat û êşa wî zêde bûn ji bo dermankirinê çû Nexweşxaneya Dewletê ya Şemzînanê, lê bijîşka li Nexweşxaneyê Elif Ç. di raporê de gotiye 'Hûn ji gundê Şapatanê ne. Hûn terorîstin' û ew derman nekiriye. Heta li polîs geriya ye û xwestiye dîsa binçav bikin. Heman bijîşkê li kesên din jî heman tişt kiriye û bêyî wan derman bike paşve vegerandine.
16 kesên din jî di 7'ê Tebaxê de piştî nîvro serbest hatin berdan. Piştî mudaxaleya Dozgerê Komarê hindik be jî rapora lêdanê girtine.
Beriya heyeta me gundê Şapatane ziyaret blike Waliyê Colemêrgê daxuyani daye îşkence înkar kiriye. Heyeta me piştî 3 roj şûnde gund ziyaret kiriye û tevî dem di serde derbas bûye jî şopa îşkenceye winda nebûye. Hêj li nava gund cihê welati rastî îşkenceyê hatine şopa xwînê ji heye.
Heyeta me xwestiye bi qeymeqam û rayedarên navçeyê re hevditin bike. lê bersîva neyînî stendine. Daxwaza bi Serhekimê Nexweşxaneya Dewletê re jî bi hinceta "Serhekîm ne li cihê xwe ye" hatiye redkirin û hevdîtina bi bijîşkeki din re hatiye kirin encam negirtiye. "
Parlamenterê HDP'ê Nihat Akdogan, diyar kir ku Wali derewan dike û wiha got: "Hemû daxyaniyên walî heta dawî derew in û hemû welatî rasti îşkenceyê hatine.
IRGAT: PÊKANÎN SALÊN 90’AN DERBAS KIR
Wekîla HDP'ê ya Bedlisê Mizgin Irgat jî anî ziman ku pekanînên li gund pêş ketin salên 90’an derbas kirin û wiha got: "Jin li pêş çavên hevserê xwe rastî tundiyê hatin. Rûmeta wan xistin bin lingan. Hişmendiya mêr a serdest xwe li Şapatanê jî da der. Em ji bo pêkaninên li Şapatanê banga edaletê dikin. Tirkiye dê carek din mahkûmî DMME'yê bibe. Serokê AKP'ê dibêje îşkence tune. Lê em li vir dibînin wekî DAIŞ'ê işkence li welatiyan kirine. "