RIHA - Hîn jî li Rihayê lîstika xaran tê lîstin. Xar, bi şayikirin û groverkirina keviran tê çêkirin. Pereyên hesinî ku li erdê tên cidkirin bi xaran yeko yeko tên xistin. Welatî tînin ziman ku, ji dêvla ew li qehwexaneyan rûnên, li derve lîstina xaran bêtir wan kêfxweş dike.

Li gundê Devteştiyê yê girêdayî navçeya navendî Halîliye ya Rihayê, hîn jî rihayî bi lîstika xaran dilîzin. Berê ji bo çêkirina xarekê roj û saet diviyan. Lê niha bi saya spîralê di demeke kurt de tên çêkirin. Ji zarokan bigire heta extiyaran her kes bi vê lîstikê dilîze. Di lîstikê de pêşî pereyên hûr ku jê re dibêjin "peste" tên çikandin. Paşê bi kevirên pere yeko yeko tên xistin. Herî dawî jî guleya kesê hember hedef tê girtin.

Lîstikvan tînin ziman ku, ji dêvla ew li qehwexaneyan rûnên, li derve lîstina guleyê bêtir wan kêfxweş dike.

JI ZAROKATIYA XWE HETA NIHA DILÎZE

Bahattîn Çîftçî ku ji zarokatiya xwe heta niha vê lîstikê didomîne anî ziman ku ev lîstik herî kêm bi 3 kesan û herî zêde jî bi 5 kesan tê lîstin û wiha domand: "Li gor hejmara kesên ku dê bilîzin di heman rêzê de pereyên hesinî yên yek lîreyî tên çikandin. Ji mesafeyeke dûr ve pereyê hedef tê girtin. Dema li pere bê xistin kesê lê dide pere werdigire û dor tê kesên din û ew jî hewl dide li pere bide. Lê di lîstikê de heke tu li guleya hevalê xwe bixî tu zêdetir pûan werdigirî. Kî herî zêde li hedefê bixe ew bi ser dikeve."

NE QUMAR E

Mehmet Kaplan jî, anî ziman ku her çi qas di lîstikê de pesteyên ji pereyan hebin jî, di lîstikê de rewşeke ku qezenckirin an jî windakirina pereyan tune ye. Kaplan, got ku piştî lîstik diqede kî çi qas pere danîbe pereyê xwe werdigire û ev lîstik ne qumar e. Kaplan wiha axivî: "Ji dêvla ku em biçin qehwexaneyan li ser pereyan û qumarê bilîzin, em li vir kelepûra xwe didomînin. Bi vê yekê em lîstikê hînî nifşên nû jî dikin."