MANÎSA - Di dîmenên kameraya polîsan de derket holê ku polisên li Manîsa bi ser malekê de girtin, di lêgerîna malê de zêrên malê û 400 TL pereyên malê dizîn. Piştî endama malê B.T polîsê diz ku di kamerayên polîsan de jî hat qeydkirin ferq kir û der barê polîs de doz vekirin, dozger bi daxwaza 10 sal cezayê girtîgehê doz vekir. Polîsê ku zêr û pereyê malbatê dizîn piştî lêpirsînê 2 rojan di bin çavan de ma, li dadgehê serbest hat berdan û ji peywirê girtin. Doz didome.

Di 5'ê îlona 2016'an de li taxa Gafar Okan a navçeya Salihli ya Manîsayê, di çarçoveya lêpirsîna Serdozgeriya Komarê ya Manisayê de polisan bi ser mala R.T’ de girtin. Polîsên bi sedema lêgerîna R.T. de bi ser malê de girtin, ji ber R.T. li malê nedîtin, li malê lêgerîn kirin. Di lêgerîna malê de polîsan hemû alav û amûrên malbatê tev li hev kirin. Di lêgerînê de polîsê bi navê A.V.H. zêrên malê û 400 TL pereyên malbatê dizîn. Dema polîs A.V.H. zêr û pere dizîn ev dîmen di kamerayên polîsan de hat qeydkirin. Piştî lêgerîna polîsan a 2 saetan li hewşa malê girtek girtin. Dema girtek hat girtin endama malbatnê diyar kir ku pere û zêrên wan hatine dizîn û xwestin derbasî girtekan bikin.
Piştî endanên malbatê diziya polîs dîtin û îtîraz kirin doz hat vekirin. Dema polîsan lêgerîn kir, polîs A.V.H. 2 bazinen zêr, Zêrekî cumhuriyet, 2 zêrên çarîk û 400 TL pere yê ji bo S.T. hatibû veşartin pişta xwe da kamerayê û xist berîka xwe. Pişti malbatê ferq kir ku pere û zêrên wan hatiye dizîn û derbasî girtekan kir, malbatê îtîraz kir û dîsa li malê legerîn kirin. Lê polîsan di duyemîn lêgerîna malê de ew pere û zêr neditin. Li ser îtîraza malbatê Polîs A.V.H. yê li Amîriya Koma Qaçakvanî ya Midûriyeta Polisan a Salihliyê peywirdar bû ku pere dizîbûn wekî ku wî dîtibin xwe nîşan da. Lê ji ber di kamerayan de hatibû qeydkirin malbatê doz lê vekir û xwest bê cezakirin.

DI DÎMENÊN POLÎSAN DE DERKET HOLÊ

Dema polîsan li malê lêgerîn kir, di dîmen û qeydên kamerayê de aşkere hat dîtin ku dema polîs li hundir lêgerîn dike û li nava alav û amûrên malbatê dinere, pişta xwe dide kamerayê û pere û zêrên malbatê dixe pêrîka şalê xwe. Dema polîsê bersûc li sindoqa malê dinere, tûrê ku pere û zêr têde ne, li hundirê sindoqê vala dike û piştre zêrên malê bi dizî dixe berika xwe. Polîsê bersîv li odeyek din jî dema li cuzdanekî malê dinere û pereyan jê derdixe dîsa bi dizî pereyên cuzdan dixe beriya şalê xwe. Ji ber ku ev dimenê diziya polîs A.V.H., di kamerayan de jî hat ferqkirin malbatê doz vekir û piştî lêgerîna malê û diziya zêr û pereyan, polîs hat binçavkirin. Niqaşên di navbera polîs û endanêm malbatê yên li ser diziyê ten kirin jî yek bi yek di dîmen û qeydên kameraya polîsan de tê aşkerekirin. Di qeydan de te dîtin ku endama malbatê ya jin B.T. bi polîsê diz re niqaşê dike û diyar dike ku wî li ber çavan diziya pere û zêran kiriye. Lê polîs jî vê yekê red dike. Li ser niqaşan B.T. diyar dike ku her tişt li ber çavên wê pêk hatiye û ew ji çavê xwe bawer dike. Dema B.T. bi polîsê bersûc re niqaş dike, polîs gefan li B.T. dixwe û destê xwe lê radike ku lê bide. Keyayê taxê ku tev li lêgerîna malê dibe jî li cihê ku zêr lê hatin dizîn 3 caran digerin, lê dîsa zêr û pereyên hatine dizîn nabînin. Ji ber ku B.T. bi çavê xwe dît polîsê diz pere û zêr dizîn, dixwaze destê xwe li Quranê bide. Lê polîs tevî ku li ber çavan û kareyan dizî kiriye dîsa destê xwe li Quranê dide. B.T. bertek nîşanî vê yekê da û diyar kir ku mirovê li ber çavan diziyê bike baweriya wî ji tu tiştî tune û xwedêyê jor şahidê her tiştî ye."

Piştî bûyerê malbatê li Dozgeriya Komarê ya Salihlî gilî kir. Dozger li ser giliyê malbatê lêpirsîn vekir û biryar da ku A.V.H. bê binçavkirin. Piştî Polîsê bersûc A.V.H hat binçavkirin û piştî 2 rojan di bin çavan de ma, bi daxwaza girtinê sewqî dadgeha Sulh Ceza ya Salihlî kir. Dadger ji bi sedema ku îhtîmala bireve tune bi şertê "Kontrola Edlî" polîsê bersûc serbest berda. Serokatiya Teftîşê ya ÎZmirê ya Girêdayî Midûriyeta Giştî piştî bûyerê polîsê diz A.V.H. di 10'ê Cotmeha 2016’an de ji kar dûr xistin.

DOZGER HETA 10 SALAN CEZA XWEST

Serdozgeriya Komarê ya Salihlî, piştî lêpirsîna der barê polîsê bersûc de temam kir, der barê A.V.H. de “diziya zarên li malê kiriye" ji 5 salan heta 10 salan cezayê girtîgehê xwest. Dozger îdîaname amade kir û da 4'emîn Dadgeha Asliye Ceza ya Salihhiyê. Dozger diyar kir ku pere û zêrên li malê winda bûne ji aliyê polîs A.V.H. ve hatine dizîn û piştî hatiye ferqkirin polîsê diz dîsa zêr û pere danîne cihê wê. Dozger, di îdîanameyê de diyar kir ku polîs sûcê li ser xwe qebûl nekiriye, lê piştre polîsê şikdar daxwazname ji dozger re şandiye û gotiye “Îdîa ne tenê ji bo min ji bo hemû polisan pir xof e. Geruk îdia bê qebûlkirin kesên endamên rêxistina terorê dê serkeftinê bi dest bixin." û xwest dozger van îdîayan li ber çavan negire.

Piştî lêpirsîna dozgeriyê rapora kesên zana hat amadekirin. Fermandariya Cendirmeyan a Salîhlî, li ser dîmenên kamera polîsan a ji saetek û 51 deqîqeyî pêk tê lêkolîn kirin û îdîa kirin ku tiştekî polîs ji malê biriye û veşartiye nehatiye dîtin.

POLÎS ÎDÎA RED KIR

Polîs di parastina dozgeriyê de îdîayên der barê xwe de red kir û diyar kir ku ji ber herêma destavê emeliyat kiriye û her dem xur têde heye ji bo ku bixirîne destê xwe avêtiye, lê wî pere û zêr nedizîne. Polîsên şahid jî diyar kirin ku wan 3 caran li malê lêgerîn kirin, lê pere û zêrên winda nedîtin. Şahida diziyê B.T. jî li dozgeriyê bû gilîdar û diyar kir ku ji bo alavê xwe yên winda bibîne demek dirêj tevî polîsan li malê geriyane, lê nediten û wiha got: "Polîsê şikdar ji dayika min re got "Ew alav winda bûne, Dibe ku dayika te xistibin cihekî din. Were em bi hevre lê bigerin. Dema em çûn odeyê polisê şikdar pere ji bêrika xwe derxist û li cihê ku berê çend çaran polîsên din lêgerîn kirin û tiştek nedîtin xist nava çarçevan. Min bi çavê xwe dît. Min got raweste te zêr xist nava wan alavan... Heta niha hêj zêrekî min ê cumhuriyet û 400 TL winda ye. Min dizîna 400 TL jî piştî lêgerîn qediya û polîs ji malê derketin ferq kir. Ez bawer dikim ku ew jî ji aliyê polîsê şikdar ve hatiye dizîn."

MALBAT JI DOZÊ VENEKIŞIYAN

Di îdianameyê de M.T. û P.T. yên gilî kirin jî heman îfıade dan. Dozger diyar kir ku wî li CD, îfadeyên şahidan û belgeyêndin nerîye û bawer dike ku hemû delîl kom kirine û îdiayên derbarê polisê bersûc ên diziyê de rastin û xwest polîs ji sûcê diziyê bê cezakirin. Piştî doz hat vekrin heta niha li 4'emîn Dadgeha Asliye Ceza ya Salîhlî 3 rûniştin hatin dîtin û hat taloqkirin. Doz dîsa taloqî meha cotmehê hat kirin. Di vê pêvajoya ku doz didome de polîsê ku dizî kiriye bi armanca zerara malbatê pêşwazî bike 400 TL per û zêrekî cumhiriyet li hemberî zerarê da dozger ku bide malbatê. Le malbat ji gilî û doza xwe gav paşve neavêtin û doz didome.

Denîz Tekin – dihaber