AMED – TJA di çarçoveya kampanya “Em ê qirkirina jinê rawestînin û jiyanê azad bikin” ji bo jinên ji aliyê zilam û dewletê ve hatin qetilkirin vîdeo amade kir.
Tevgera Jinên Azad (TJA), di çarçoveya kampanya “Em ê qirkirina jinê rawestînin û jiyanê azad bikin” ku di 3’ê tebaxê de li Êlihê dabû destpêkirin, ji bo balê bikişîne ser qirkirina jinan vîdeoyek kurt amade kir. Vîdeoya dê li ser medya civakî bê parvekirin û vîdeoya ji 2 deqîqe û 27 saniyan pêk tê çîroka jinên ji aliyê zilaman ve hatine qetilkirin cih digire.
Di vîdeoya bi zimanê kurdî, tirkî û erebî hatiye amadekirin de Emanî Al Rahmun, Amîne Demîrtaş, Taybet Înan, Pîppa Bacca, Dîlek Dogan, Hacer Alan û Ozgecan Aslan çawa hatine qetilkirin tîne ziman.
JINÊN HATINE QETILKIRIN VEDIBÊJIN
* Ez Emanî Al Rahmun 20 salî me. Ez yek ji sed hezaran jinên ku rastiya şer dîtîne me. Ez rastî tecawiza du cîrên xwe yê zilam hatim. Ez, pidika di zik û pidikên li ber dilê min de hatin qetilkirin.
* Ez Amîne Demîrtaş 17 salî me. Ez li Êlihê dijiyam. Ji ber ku min şîfreya têlefona xwe neda birayê xwe Kasim Demîrtaş ji aliyê malbata xwe ve bi îşkenceyê hatim qetilkirin.
* Ez dayika 11 zarokan Taybet Înan. Di qedexeya derketina kolanan a li Silopî dema ez ji mala cîranan vedigeriyam malê bi guleya dewletê hatim kuştin. Cenazeye min 7 roj li kolanê ma.
* Ez Pîppa Bacca bûka aştiyê bûm. Li dijî şer ez li hemû cîhanê digeriyam. Tirkiye rawestegaha min a dawî bû.
* Ez Dîlek Dogan. Ji ber ku min hişyariya galoş bixin piyê xwe kir. Ez ji aliyê polîsên dewletê ve hatim qetilkirin.
* Ez Hacer Alan 20 salî me. Ji aliyê bav û birayên xwe ve li ser nivînê xwe bi tevî pidika xwe ya 3 mehî ve hatim qetilkirin.
* Ez Ozgecan Aslan xwendekara zanîngehê ya 20 salî me. Dema ji dibistanê diçûm malê bi hovîtî hatim qetilkirin.
'EM Ê LI DIJÎ ZILAM-DEWLETÊ LI BERXWE BIDIN’
Di vîdeoyê de herî dawî ev hevok tên gotin: “Bav, bira, hevjîn û xizmên herî nêz ên zilam hûn nikarin kuştinê wek mafekê bibînin. Çeteyên fuhuş û tecawizê hûn nikarin jiyanê li jinan heram bikin û bikujin. Û tu dewelet! Bi mulkirina jinan civakê dejenerekirin hûn nikarin qetilkirina me rewa bikin. Em ê li berxwe bidin. Em ê qirkirina jinê rawestînin û jiyanê azad bikin”
https://youtu.be/IbmYY9toSDM