STENBOL - Hunermenda Şanoyê Defne Halman ku hefteyek berê ji bo piştgiriyê bide Nûriye Gulmen û Semîh Ozakça, ketibû greva birçîbûnê, diyar kir ku di serdema wisa de bêdengî îxaneta li dijî pêşerojê ye.
Hunermend Îlyas Salman, Ataol Behramoglu, Denîz Turkali, Edîp Akbayram û Defne Halman ji bo piştgiriya Semih û Nûriye rojekê ketibûn greva birçîbûnê. Piştre Hunermenda Şanoyê Defne Halman piştgiriya ji bo Akademîsyen Nuriye Gulmen û Mamoste Semih Ozakça berdewam kir û çalakiya grevê didomîne. Hunermend Defne Halman xwest daxwazên Gulmen û Ozakça bê qebûlkirin.
Halman, diyar kir ku Semîh û Gulmen demek dirêje ji bo parastina mafên xwe di greva birçîbûnê dene û wiha got: "Ez têkoşîna wan dişopînim. Piştgiriya rojek çalakiyê hat rojeva me çend hunermendan. Di roja wan a 120’an de bû. Ji bo em jî piştgiriyê bidin wan me xwest pirçîbûna wan parve bikin em ketin grevê. Piştre Esra Ozakça greva xwe berdewam dikir. Di roja 45’an de bû. Li kolanê bi işkence û lêdanê hat binçavkirin. Piştî min ew dîmen dît, min biryar da ku greva xwe birçîbûnê dirêj bikim. Ji bo hefteyekê ketim greva birçîbûnê.
HER ÇALAKÎ MEZIN BÛ TUNDÎ JÎ ZÊDE BÛ
Halman, anî ziman ku Gulmen û Ozakça her roj li Kolana Yukselê ji bo parastina mafên xwe di ber xwe dan û wiha got: "Her roj hatin binçavkirin û dîsa hatin kolanê. Her roj derbas bû girse mezin bû. Her girse mezin bû tundî jî mezin bû. Bi dehan caran hatin binçavkirin. Hatin darpkirin û rastî îşkenceyê hatin. Rastî gefan hatin. Piştî 4 mehan biryara greva birçîbûnê girtin. Piştî wê şiklê berxwedanê nema. Ji ber ku rêyên din nehatin hiştin dest bi greva birçîbûnê kirin. Ji ber vê yek ji cureyê yê berxwedanê jî greva birçîbûnê ye.
‘BIRYARA DMME'Ê BIRYAROK TIRSONEK E
Halman, anî ziman ku bi hêz û cesareta ku ji Gulmen û Ozakça distîne, dê li qadê di ber xwe bide 3u wiha got: "Em dê cureyên çalakiyênk xwe dewlemendtir bikin û li her derê belav bikin. Li Stenbol û Enqereyê di bin navê piştevaniya Nuriye û Semih hewldanek hat avakirin. Gelek kes di nava vê hewldanê de hene. Ez jî di nava vê hewldanê de cihê xwe digirim. Em gelek çalakiyan pêk tînin. Gelek hevalên me yên tev li vê çalakiyê dibin rastî îşkence û binçavkirinê tên. Helwesta DMME'ê ya ‘Dewleta Tirkiye baş li Nuriye û Semihe dinere. Di tenduristiya wan de tu pirsgirêk tune ye' îxanetek herî mezin e. Tirsonekiyek herî mezin e.
‘DI REWŞÊ WISA DE BÊDENGÎ ÎXANETKIRINA LI PÊŞEROJÊ YE'
Halman, destnîşan kir ku li Tirkiye rewş her diçe bêtir xerab dibe û tundiya li ser civakê her diçe bêtir zêde dibe. Halman, anî ziman ku li Tirkiye bombabaran, xerakirin, talankirin, her diçe zêde dibe û wiha got: “Sûr ser û bin kirin. Haskif tê bombekirin û xerakirin. Li Dersimê daristan tên şewitandin. Li her derê mafên mirovan tê binpêkirin. Ev tabloyek pir felaket û xeder e. Gelek saziyên medya hatin girtin û xwestin wan bêdeng bikin. Yek mirov dixwaze hikum li ser her tiştî bike. Rojnameger, wekîl û parazvanên mafên mirovan ten girtin. Hemû kesên muxalif tên binçavkirin û girtin. Ez ji hunermend wêdetir bi nasnameya xwe ya mirovahiyê vê neheqiyê qebûl nakim. Divê em li dijî faşîzmê serî netewînin. Wekî Velî Saçilik jî dibeje 'Berxwedan û her dem bexwedan’ Ez jî dibêjim her dem berxwedan. Ji ber ku di pêvajoyek wisa de bêdengî îxaneta li hemberî pêşerojê ye. Ger ku em li dijî faşîzmê di ber xwedin, dê her tiştî ji destê me derxe. Dê pariyê me jî ji destê me derxe.
Niha dem dema gotinê ye. Dem dema çalakiyê ye. Divê em nihaji her demê bêtir dengê xwe bilintir bikin. Divê em bi hevre li dijî zilm û zordariyê di ber xwe bidin û dengê xwe bi hevre bilind bikin.